Хятадад дахин зэвсэгт халдлагууд гарчээ

Twitter Print
2014 оны 09-р сар 29-нд 09:15 цагт
Мэдээний зураг,

Хятадын Шинжаан-Уйгурын өөртөө засах тойргийн хэд хэдэн сууринд дэлбэрэлт болсны улмаас наад зах нь 50 хүн амь насаа алдаж, 54 хүн шархадсан тухай Синьхуа агентлаг мэдээлжээ.

Дэлбэрэлт ням гарагт болсон боловч хэвлэл мэдээлэлд хожуу мэдээлснээр, амиа золиослогчид жимсний зах, цагдаагийн хоёр хэсэг болон дэлгүүрт тэсрэх төхөөрөг дэлбэлсэн байна.

Халдлага үйлдэгсдийн зарим нь дэлбэрэлтийн үеэр амиа алдсан бол үлдсэнийг нь цагдаа нар устгажээ.

Энэ зэрэгцээ Хятадын өмнөд хэсгийн Гуанси-Жуанс өөртөө засах дүүрэгт хутгаар зэвсэглэсэн үл таних этгээд бага сургуулийн сурагчдад халдсаны улмаас дөрвөн хүн амь насаа алдсан байна. Халдлага  орон нутгийн цагаар өглөөний 06 цаг 20 минутад хүүхдүүдийг сургуульд явах үед болсон байна. Гурван хүүхэд газар дээрээ, нэг хүүхэд эмнэлэгт нас баржээ.

Цагдаа нар сэжигтнийг эрэн сурвалжлах ажиллагааг эхлүүлсэн байна. Хятадад хүүхдүүдэд халдах явдал сүүлийн жилүүдэд олонтаа тохиолдох болсон билээ. 2010 онд хүүхдүүдэд хутгатай халдсан цуврал хэрэг гарсны улмаас хэдэн арван хүүхэд шархдаж, долоон хүүхэд амиа алдсан юм. 2012 оны арванхоёрдугаар сард Хэнань мужид сургуулийн үүдэнд хутгатай этгээд 22 хүүхдийг шархдуулсан хэрэг гарч байсан бол өнгөрсөн оны гуравдугаар сард Шанхай хотын нэгэн сургуулийн хашаанд үл бүтэх этгээд төрөл садныхаа хоёр хүнийг хөнөөж, 11 хүнийг гэмтээж, шархдуулсан байна. Шархадсан хүмүүсийн зургаа нь хүүхэд байжээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.