Ерөнхийлөгч В. Путин Сирийн Ерөнхийлөгч Башар Асадыг хүлээн авч уулзлаа

Twitter Print
2021 оны 09-р сар 15-нд 11:29 цагт
Мэдээний зураг,

ОХУ-д албан ёсны айлчлал хийж буй Сирийн Ерөнхийлөгч Башар Асад ОХУ-ын Ерөнхийлөгч Владимир Путинтэй уулзжээ. Уулзалтын үеэр Ерөнхийлөгч В. Путин Башар Асадад Сирийн Ерөнхийлөгчийн сонгуульд ялалт байгуулсан явдалд нь баяр хүргэж, түүнийг Сирийн ард түмнийг хэвийн амьдралд хөтөлж, улс төр нийгмийн тогтвортой байдлыг хангахад томоохон үүрэг гүйцэтгэж буйг нь онцолжээ.

Ерөнхийлөгч В. Путин Сирид тулгараад буй хамгийн том асуудал нь НҮБ болон Сириын эрх баригчдын зөвшөөрөлгүй байрлаж буй гадаадын цэргийн хүчнүүд бөгөөд тэдгээр нь төрийн эрх хууль ёсны удирдлагад төвлөрөхөд хүндрэл учруулж буй аж. Түүнээс гадна Сирид энгийн ард иргэдэд дарамт шахалт үзүүлж буй алан хядах бүлэглүүдийн голомтууд байсаар байгааг В. Путин онцолжээ. Нөгөөтэйгүүр хоёр улс хамтын хүчээр Сирид энх тайвныг тогтоох ажил "мэдэгдэхүйц үр дүнд" хүрч байгаа гэжээ.

Сирийн Ерөнхийлөгч Башар Асадын зүгээс Сирийн эсрэг хэд хэдэн улс хориг тавьсан нь "хүмүүнлэг бус" хэмээн тодорхойлсон ч Сирийн засгийн газар үүссэн нөхцөл байдалдаа дасан зохицон ард иргэдийнхээ амьдралыг сайжруулахаар зүтгэж байгааг онцолжээ.

Түүнчлэн тэрээр ОХУ-ын Гадаад хэргийн яаманд онцлон талархал илэрхийлсэн ба түүний хэлж байгаагаар ОХУ-ын Гадаад хэргийн яам улс төрийн байр сууриндаа баттай зогсож, хуулийн хүрээнд улс орнуудад өөрсдийн хувь тавилангаа өөрсдөө сонгох, дотоодын асуудлаа өөрсдөө шийдэх эрхийг нь олгодог аж.

Уулзалтын үеэр ОХУ-ын Ерөнхийлөгч В. Путин ОХУ коронавирусын эсрэг Спутник-Ви болон Спутник Лайт вакцинуудаа Сирид нийлүүлж эхэлсэн талаар мэдэгдсэн ба хоёр орны хамтын ажиллагааны хүчээр Сирийн ард түмэн хөл дээрээ босч, Сирийн эдийн засаг, нийгэм, эрүүл мэндийн салбар сэргэнэ гэж найдаж буйгаа илэрхийлжээ.

Эх сурвалж: interfax.ru

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.