Диана гүнж амьдралдаа олон ноцтой алдаа гаргасан нь өөртөө харамсалтай үр дагавар авчирсан

Диана, Уэльсийн гүнж, Диана Фрэнсис Спенсер 1981-1996 онд Британийн хаан ширээг залгамжлагч Уэльсийн хунтайж Чарльзын эхнэр байв. Диана гүнж, хатагтай Диана эсвэл хатагтай Ди гэж хэмээн алдаршсан энэ эмэгтэй 1961 оны 7-р сарын 1-нд Их Британийн Сандрингем хотод төрж, 1997 оны 8-р сарын 31-нд Францын Парисын Салпетрийе авто ослын улмаас нас барсан юм.

Чарльз, Уэльсийн хунтайжтай 1981-1996 онуудад хамтдаа амьдарч хоёр хүү Уильям, Харри нараа төрүүлсэн. 36 насандаа биднийг орхиод явсан Диана гүнж бидний сэтгэл зүрхэнд үүрд хатан хаан мэт үлдсэн үү.

Зарим нь түүнийг шүтдэг, нөгөө хэсэг нь түүнийг төдийлөн алдартай биш, хааны гэр бүлтэй өөрийгөө холбож чадсан чадварлаг манипулятор гэж үздэг. Үнэн нь ердийнх шиг хаа нэгтээ байдаг. Диана гүнж амьдралдаа олон ноцтой алдаа гаргасан нь эцэстээ өөртөө харамсалтай үр дагавар авчирсан нь маргашгүй үнэн юм.

Одоо гайхалтай юм шиг санагдаж байгаа ч Диана 1981 онд Чарльзтай гэрлээгүй бол түүний хорвоод төрсөнг, хэрхэн амьдарсан, оршин тогтносон тухай дэлхийн олон сая хүн хэзээ ч мэдэхгүй байсан. Сургуульд төгсөх шалгалтандаа хоёр удаа амжилтгүй дүн үзүүлж, коллежид нэг семестрийг арай ядан сунгасан ичимхий, жирийн нэгэн охин, ханхүүгийн гэргий болж үнэт титэм, алдар нэр, шүтэн бишрэлд хүрч чадах эсэх магадлал тун бага байсан юм.

Олон нийтийн итгэл үнэмшлийн эсрэг Диана хурим хийхээсээ өмнө чинээлэг байгаагүй. Британийн хуулийн дагуу бүх хөдлөх хөрөнгө зөвхөн гэр бүлийн эрэгтэй талд уламжлагдан үлдэх ёстой. Диана эрэгтэй дүү Чарльз, мөн хоёр эгчтэй байсан. Дианагийн гэрийн бүх зүйлийг дүү нь өвлөж авсан бөгөөд эгч нар нь амжилттай гэрлэж чадсандаа талархдаг байжээ. Ирээдүйн гүнжийн хувьд хувь тавилан маш даруухан үлдэх байж магадгүй байв.

Уэльсийн хунтайжийн албан ёсны суйт бүсгүй болох тэр жилдээ Лондонд хоёр жилийн турш ээжтэйгээ, дараа нь 18 насны төрсөн өдрөөр нь бэлэглэсэн байранд амьдардаг байжээ. Охин нь тусгай боловсролгүй тул ямар ч ажил хийдэггүй байсан.Тэр эгч болон зарим найз нөхдөөсөө мөнгө авч, үдэшлэг зохион байгуулж, өсвөр насны хүүхдүүдэд бүжгийн хичээл зааж, АНУ-аас ирсэн хүмүүст асрагчаар ажиллаж байсан. Робертсон, Young England сургуулийн туслах багш, цэцэрлэгийн туслах багш. Энэ бол хатагтай Диана Спенсерийн Уэльсийн хунтайжтай гэрлэхээс өмнөх амжилтанд хүрсэн түүх юм.

Чарльз Диана хоёрын хооронд зан харилцаа болон оюун санааны ан цав байсан. Бараг 13 насны зөрүүг дор хаяж ямар нэгэн зүйлээр нөхөх ёстой байсан ч тэрээр нөхрийнхөө түвшинд "өсөх" биш харин өөрийн хөгжлийн түвшинд "буулгах" асуудлыг Чарльз өөрөө л хийх ёстой гэж шийджээ. Тэрээр Уэльсийн хунтайжийн хоббиг сонирхдоггүй, найз нөхөдтэйгээ нөхөрлөхийг хичээдэггүй, зуршлыг нь шүүмжилж, түүний сүсэг бишрэлийг шоолдог байсан. Тэд шууд утгаараа хоорондоо ярилцах зүйлгүй байсан бөгөөд Диана Чарльзыг хэрхэн сонсохоо мэдэхгүй байв.

Дианагийн хамгийн дуртай номууд бол Барбара Картландын романтик романууд байв. Гэрлэхээсээ өмнө ч гэсэн мөрөөдөл нь түүнд шингэсэн болохыг хүлээн зөвшөөрч "Хааны бэр" номыг уншиж байжээ. 1993 онд зохиолч өөрөө “Диана зөвхөн миний бичсэн номуудыг л уншдаг байсан. Таалагдсан ч энэ бол хамгийн сайн сонголт биш. "Диана Спенсер сүй тавихаасаа өмнөхөн асрагчаар ажилладаг байсан Америкийн Мэри Робертсоны уран зохиолын хязгаарлагдмал сонголтонд туйлын их гайхаж байснаа дурсаж, Чарльзтай яриа хөөрөө үргэлжлүүлэхийн тулд улс төрийн сонины мэдээллүүдийг уншиж эхлэхийг түүнд зөвлөж байсан.

Нөхрийнхөө уйтгартай, нэгэн хэвийн зан аашийг хүлцэхгүй болсон нь Диана өөр нэг стратегийн алдаа хийжээ. Тэр нөхрөө Камилла хэмээх эмэгтэй хардаж атаархах зангаа ил гаргаж эхлэв. Диана Чарльзын нүдэн дээр Камиллаг доромжилсон элдэв үгээр хочлох нь олширчээ. Тэдгээрийн нэг нь түүхэнд үлдсэн "Ротвейлер". Диана Камилла бол энэ үүлдрийн нохойтой адил хэмээдэг байв. Чарльзыг амьдралынхаа төгсгөл хүртэл хөгшин, сонирхол багатай өрсөлдөгчдөө юу алдсанаа ойлгохгүй байсан хэмээжээ

Түүхээрээ бахархдаг Англи улс эр нөхрөө, хааныгаа залилсан үйлдэл хийхийг эх орноосоо урвасантай адилтгаж байсан үеэ одоо хүртэл санаж байна. Мэдээжийн хэрэг, орчин үед эхнэр нөхрүүдээ завхайрсан гэж толгойгоо цавчихаас наахнуур байгаа ч Чарльз хараахан хаан биш. Гэхдээ хааны гэр бүлд эмэгтэй хүний ​​үнэнч бус байдлыг цээрлэхийг ДНХ-ийн түвшинд бичсэн байдаг. Эхнэр нөхөр нь асуудалд ороолдсон ч гэсэн эхнэр нь гэгээнтэн хэвээр байх ёстой. Диана Их Британийн хаант засаглалын өв залгамжлагчдын эхнэр, эхийн статусыг харгалзан түүний ажил хэрэг хэрхэн өрнөхийг мэдэхээс өөр аргагүй байв. Гэхдээ тэр энэ талаар бодохгүй байхыг илүүд үзсэн бололтой. Түүнчлэн түүний амраг (сүйт залуу, жолооч, офицер) -ын байдал Чарльз болон өөрийгөө улам доромжилж байсан явдал юм.

Дианагийн хамгийн маргаантай амраг Жеймс Хьюитт дараа нь Уэльсийн гүнжтэй харьцах харьцааныхаа талаар байх ёстойгоосоо илүү олон зүйл бичсэн номоо хамтран зохиож мөнгө олох болно. Түүнийг хунтайж Харригийн жинхэнэ эцэг гэж нэрлэдэг.

Дианаг нас барсны дараа өөрийгөө илчилсэн Пол Беррелл. Тэрээр ижил хүйстний хувьд Дианаг өрөвдөж, Чарльз, Камилла нарын талаар түүнд мэдээлж, нууц амрагуудыг түүн дээр авчирдаг байв.

Уэльсийн гүнжийн намтар судлаачид Диана Чарльзаас салахаасаа өмнө болон дараа нь харилцаатай байсан 5 албан ёсны, 6-8 албан бус амрагуудыг тоолжээ. Эдгээр нь эхийн хайрыг дайвар бүтээгдэхүүн хэмээн тунхагласан ханхүү Харригийн маргаантай асуудал, улаан үстэй офицер Жеймс Хьюиттэй удаан хугацааны турш нууц амраг байсан нь мэдэгдсэн асуудлуудаас үүдэн гарав.

Тун даруухан бүсгүй гэнэт ханхүүгийн гэргий болж, дэлхийн шилдэг загвар зохион бүтээгчдийн загварын цуглуулгуудад хязгааргүй нэвтрэх боломжтой болж, II Элизабетын гэр бүлийн үнэт эдлэл бүхий хайрцгуудыг бэлгэнд авчээ. Загвар нь түүний бас нэг хүсэл тэмүүлэл болов. Албан ёсны арга хэмжээнд улаан бариу өмсгөл өмсөхийг Диана чаддаг байв.

Хэвлэлийн эрүүл бус сонирхлыг Диана өөгшүүлсэн. Кенсингтоны ордонд хүнд хэцүү амьдралынхаа тухай ярихыг зөвшөөрөв Диана мөн 1995 онд өгсөн ярилцлагадаа намтар судлаач Эндрю Мортонтой хувийн зөвшөөрлөөр харьцдаг байснаа хүлээн зөвшөөрөв. Тэрхүү харилцааны үр дүн нь "Алдарт Диана- Түүний жинхэнэ түүх ”номыг 1992 онд хэвлүүлжээ. Диана ВВС-ийн сувагт өгсөн илэн далангүй ярилцлага нь түүний бүх ангуучдын хувьд өдөөн хатгасан, сэтгэл хөдөлгөм яриа байв.

Хөтлөгч Мартин Баширтай нэг цаг үргэлжилсэн яриа нь тэсрэх бөмбөг мэт нөлөөтэй байв. Диана Чарльзтай гэрлэсэн 15 жилийн туршид дагалдаж байсан асуудлууд, амиа хорлох хэд хэдэн оролдлогууд, тэр ч байтугай өөрийн үнэнч бус байдлын талаар ярьсан бөгөөд энэ нь Чарльзын урвалтын үр дүн байсан хэмээв. Диана Чарльзаас салснаас хойш түүний эргэн тойрон дахь хүмүүсийн хувьд "асуудал" болсон гэдэгт Диана итгэлтэй байсан бөгөөд дараа нь тэдний амьдралыг төвөгтэй болгож, түүнийг гутаан доромжилж, Уэльсийн хунтайжийн дайснууд гэж нэрлэв.

Салалт.

"Чи хэзээ нэгэн цагт Хатан хаан болно гэж бодож байна уу?"

- "Үгүй. Би бодохгүй байна ...

Би хүмүүсийн зүрх сэтгэлд хатан хаан болон үлдсэн нь дээр байх ...

Би өөрийгөө энэ улсын хатан хаан гэж төсөөлж чадахгүй.

Энэ улсын "олон" хүмүүс намайг Хатан хаан болохыг хүсэхгүй байна гэж би бодож байна. Би “олон” гэж хэлэхдээ харьяалагддаг байгууллагаа хэлээд байгаа юм... ”.

Нөхрийнхөө тухай болон хааны гэр бүлийн тухай яригдсан бүх зүйлийн цаана Диана, Чарльзаас салахыг хүсэхгүй байгааг сонсох нь хачин байв. Гэсэн хэдий ч нэвтрүүлгийн төгсгөлд Хатан хаан үүнийг хараагүй. Хэсэг хугацааны дараа Элизабет II Дианаг дуудан, салалтын тухай асуудалыг шийдвэрлэсэн.

Дашрамд дурдахад Дианад өгсөн хөрөнгө нь эхний удаад 17 сая англи фунт, зарц нарт жилд 700 мянган фунт стерлингийн мөнгө олгож, титэм залгамжлагч ханхүү нарын эх хэвээр үлдэхийг зөвшөөрсөн.

Мөн Кенсингтоны ордны хэсэг. Дианагийн тогооч Пол Бурреллийн дурсамжаас үзэхэд тэр энэ ярилцлагыг зөвшөөрч зөв зүйл хийсэн гэдэгтээ сүүлчийн мөч хүртэл эргэлзэж байв. Гэхдээ өөр нэг онол байдаг. Диана гэрлэлтээ цуцлуулах нь эрт орой хэзээ нэгэн цагт зайлшгүй болно гэдгийг ойлгохгүй хүмүүст өөрийнхөө хувилбарыг хэлэхийг хүссэн юм. Энэ бол нөхрөөсөө болон түүний гэр бүлээс өшөө авах явдал байв. Гэхдээ эдгээр илчлэлтүүдийн үр дагавар нь түүний бодож байснаас илүү ноцтой байв. Дианаг хааны гэр бүлийн гишүүдтэй ойр дотно байсан эгч, дүү, эмээ, ээж нь эрс буруушаав, Диана Чарльзаас салсны дараа түүний амьдрал илүү төвөгтэй болсон гэж бодож байсан бол золгүй нэвтрүүлгийн дараа энэ нь түүний бодит бодит байдал болсон юм.

Гэрлэлтийн сүүлийн жилүүдэд Диана, Чарльз нар гэр бүлийн асуудлаа нуусангүй. 1991 онд Диана мусульмантай гэрлэх гэж байсан. Албан ёсоор салахаас өмнө ч Диана Пакистан гаралтай мэс засалч Хаснат Хантай амрагийн холбоотой байсан. Кенсингтоны ордонд тэдний хайрын цуглааныг зохион байгуулсан найз нөхөд, тогооч Пол Берреллийн хэлснээр Диана дахин амжилттай гэрлэхийн тулд итгэлээ өөрчлөх боломжийн талаар нухацтай ярилцсан ч Хаснат, Диана гүнж оддын байр суурь, нийгмийн амьдралдаа хэтэрхий дурласан гэж мэдэрсэн гэжээ. Доди аль-Файед Дианагийн хоёр дахь нөхөр болж магадгүй байсан юм, тэр өөртөө итгэлтэй, чөлөөт цагийг нь хамгийн дээд хэмжээнд зохион байгуулж байв.

Албан ёсны салалтын дараа Диана өөрийн талаар идэвхтэй эрэл хайгуул хийж байсан нь илт байв. Доди аль-Файед түүний мөрөөдлийн хүн биш байсан ч цаана нь аавынх нь тэрбум тэрбум, хөрөнгө "алдартнуудын" амьдралын хэв маягийг үргэлжлүүлэн удирдах боломж байсан. Диана дурлаагүй ч Додиг дараагийн нөхөрт нэр дэвшүүлэх боломжтой хүн гэж үзсэнийг найзууд нь бас ярьдаг. 1997 оны зун Диана хоёр хүүгээ Cote d'Azur арал дээр хамтдаа амрахаар авч явсан. Дараа нь хэвлэлд Диана болон түүний мусульман амрагтай хамт Британийн титэм залгамжлагчдын зургууд гарч байв. Диана хүүхдүүдийг боломжит "шинэ аав" -тай танилцуулаад зогсохгүй ойр дотно харилцах боломжийг тэдэнд олгожээ. Диана хувийн амьдралаа зохицуулахаар шийдсэн бөгөөд титэм залгамжлах хан хүү нарын эх болсон тэр үед "жирийн эмэгтэй" байхаа больсон гэдгээ дахин мартсан бололтой, Чарльзаас салсан ч энд юу ч өөрчлөгдөж чадахгүй.

Элизабет, Двор нар сандралд оров. Ханхүү нарын эх нь хөвгүүдэд ямар нөлөө үзүүлж байгааг харгалзан (Диана лалын шашин шүтлэгийг өөрөө амжилттай гэрлэлтийн төлөө золиос болгон зөвшөөрсөн) хүлээн зөвшөөрсөн бол юу болох байсан бэ? Хэрэв Уильям, Харри нар мусульман шашинтантай хамааралтай болвол юу болох вэ? Энэ бол өөр шашны хүмүүсийг хүлцэн тэвчих тухай асуудал биш бөгөөд энэ нь протестантизм баганын нэг болох хаант засаглалын хувьд амь нас, үхлийн асуудал юм. 1997 оны зун Диана хувийн амьдралынхаа төлөө хүүхдүүддээ аюултай байдал үүсгэж байгаа нь тодорхой болов. Уильям, Харри нар өөр хувь тавилантай байсан бөгөөд тэд мусульман тэрбумтны хойч үе болж хэзээч болохгүй хүмүүс юм.

Диана нас барсан нь төлөвлөсөн арга хэмжээ байсан уу эсвэл эмгэнэлт тохиолдол байсан уу, түүний үхэл Хатан хааны шүүхэд маш том тайвшрал байсан нь дамжиггүй. Амьдралын тогтворгүй байдал нэг үзэгдлээс нөгөөрүү хэтрэн, үзэгчдэд зориулан тоглож байсан гүнж хэн ч биш болж хувирсан ч түүний түүх өөрөөр хэрхэн дуусах нь тодорхойгүй байсан юм.

Орчуулсан Р.Сайхан-Уул

 

Энэ мэдээ танд таалагдаж байвал LIKE хийгээрэй. Танд баярлалаа.