Бямба гарагийн үдэш тэргүүлэгч багууд учраа таарлаа

Twitter Print
2014 оны 09-р сар 27-нд 12:10 цагт
Мэдээний зураг,

Английн хөлбөмбөгийн аварга шалгаруулах тэмцээний 6-р тойргийн тоглолтууд энэ амралтын өдөр болно. Премьер лигийг зургаан тойргийн дараах байдлаар “Челси” 13 оноо, “Саутхэмптон”, “Астон Вилла” тус бүр 10 оноо, “Арсенал”, “Суонси” багууд 9 оноотой тэргүүлж байна. Харин “Манчестер Сити”, “Ливерпуль”, “Манчестер Юнайтед” зэрэг шилдэг багууд улирлыг тааруухан амжилттай эхэллээ. Ялангуяа “Ман.Ю” таван тоглолтоос хоёр хожигдож таван оноотой 12-р байр эзэлж байгаа нь олны анхаарлыг татаж байна. Голланд мэргэжилтэн Л.Ван Гаал ирээд ч тус эс олж Их Британийн хамгийн нэр хүндтэй баг дахин азгүйтлээ. Хэрэв байдал энэ хэвээр үргэлжилбэл “Ливерпуль”-ийн ирээдүйг давтаж таван улирал “Аваргуудын лиг”-ийг өнжиж магадгүй болоод байна.

Премьер лигийн 6-р тойрогт бямба гарагийн үдэш “Ливерпуль”-“Эвертон”, “Саутхэмптон”-“КПР”, “Челси”-“Астон Вилла”, “Кристал Палас”-“Лесьтер Сити”, “Халл Сити”-“Манчестер Сити”, “Манчестер Юнайтед”-“Вест Хэм Юнайтед”, “Сандерлэнд”-“Суонси Сити”, “Арсенал”-“Тоттенхэм Хотспур” оноолт таарсан бол ням гарагийн үдэш  “Вест Бромвич Альбион”-“Барнли” тоглох юм. Харин ирэх даваа гарагт “Сток Сити”-“Ньюкасл Юнайтед” 6-р тойргийн сүүлийн тоглолтыг хийхээр болжээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.