Ц.Ганзориг мастеруудын ДАШТ-нээс хүрэл медаль хүртжээ

Twitter Print
2019 оны 10-р сар 14-нд 14:58 цагт
Мэдээний зураг,

Өнөөдөр чөлөөт бөхийн A/35-40 нас/ангиллын бөхчүүдийн барилдаан болж мастеруудын ДАШТ өндөрлөв.

“А” ангиллын 62 кг-ын жинд 9 бөх зодоглож “Арслан” клубын бөх Батновын Эрдэнэболд нэгдүгээр тойрогт хийлж хоёрдугаар тойрогт японы бөх Кента Фужимотод 0:10 оны харьцаагаар хожигдож дагах барилдаанд ӨАБНУ-ын бөх Герхард Ван дер Мервед 5:14 онооны харьцаагаар ялагджээ. “А” ангиллын 70 кг-ын жинд 17 бөх барилдаж “Тулгат” клубын бөх Мөнхжаргалын Уртнасан нэгдүгээр тойрогт хийлж хоёрдугаар тойрогт гүржийн бөх Звиад Гвилавад 4:7 онооны харьцаагаар дийлджээ.

“А” ангиллын 78 кг-ын жинд 14 бөх зодоглож Өмнөговь аймгийн бөх Цэрэнбаатарын Ганзориг нэгдүгээр тойрогт оросын бөх Рустам Ташиевыг 9:1 онооны харьцаагаар ялж хоёрдугаар тойрогт Буянтөрийн Лхагвадоржийг 5:2 онооны харьцаагаар хожиж хагас шигшээ барилдаанд туркийн бөх Абдул Хамит Алтанд 1:1 онооны харьцаагаар хожигдож хүрэл медалийн төлөө барилдаанд оросын бөх Асламбек Езерхановыг цэвэр ялжээ. Мөн жинд мастеруудын ДАШТ-ний мөнгөн медальт, ИНЕГ, “Женко” клубын бөх Буянтөрийн Лхагвадорж нэгдүгээр тойрогт казахстаны бөх Кайрат Ерзиконовыг 8:2 онооны харьцаагаар ялж хоёрдугаар тойрогт Цэрэнбаатарын Ганзоригт 2:5 онооны харьцаагаар хожигджээ.

“А” ангиллын 88 кг-ын жинд 10 бөх зодоглож ҮБТДС-ийн бөх Дашийн Чимиддорж нэгдүгээр тойрогт хийлж хоёрдугаар тойрогт оросын бөх Мухамад Шевзуковт 1:7 онооны харьцаагаар хожигджээ. “А” ангиллын 100 кг-ын жинд 12 бөх зодоглож “Хүч” спорт хорооны бөх Пүрэвдоржийн Баатарсүрэн нэгдүгээр тойрогт гүржийн бөх Георге Ибириад 0:6 онооны харьцаагаар дийлджээ. 2019 оны аравдугаар сарын 8-13-ны өдрүүдэд Гүрж улсын нийслэл Тбилис хотын” Tbilisi Sports Palace” спортын ордонд болсон эрэгтэй чөлөөт бөхийн мастеруудын ХХI дэх ДАШТ-нд манай багийн ахлагчаар Монголын чөлөөт бөхийн мастеруудын холбооны ерөнхийлөгч Б.Өнөбаатар, албаны төлөөлөгчөөр болон дасгалжуулагчаар олон улсын хэмжээний мастер Ч.Гочоосүрэн, 25 бөх урамтай сайхан оролцлоо. 

Манай бөхчүүд 2 алт, 1 мөнгө, 6 хүрэл нийтдээ 9 медаль хүртэцгээлээ. Багийн дүнгээр тус ДАШТ-нд оролцсон 23 орны багаас Иран-103, АНУ-83, ОХУ-71, ХБНГУ-55 багуудын дараа 43 оноогоор Тавдугаар байранд жагсчээ. 2020 оны сонгомол барилдаан, эрэгтэй чөлөөт бөхийн мастеруудын ДАШТ аравдугаар сарын 20-25-ны өдрүүдэд Грек улсын Лутраки хотод болно.

Эх сурвалж: Д.Өлзийсайхан 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.