Белорусийн ерөнхий сайд Монгол улсын ерөнхийлөгчтэй хэлэлцээр хийлээ

Twitter Print
2014 оны 09-р сар 25-нд 09:37 цагт
Мэдээний зураг,

Беларусийн Ерөнхий сайд Михаил Мясникович НҮБ-ын дээд хэмжээний уулзалтын үеэр гадаадын орнуудын төр, засгийн тэргүүн нартай хоёр талын уулзалт хийжээ.

Тэрээр Монгол Улсын Ерөнхийлөгч Ц.Элбэгдоржтой уулзахдаа Беларусьт хийх түүний айлчлалд бэлтгэх ажлын талаар хэлэлцсэн байна. “Манай хоёр орны хамтарсан төслүүд болон гэрээний хэрэгжилтэд, ялангуяа тээврийн зурвасын талаар зарим амжилт гарсан. Монгол Улсын Ерөнхийлөгчийг манай оронд айлчлах үеэр хэлэлцээний шатанд байсан гэрээ, хэлэлцээрүүдийг нээлттэй болгож, бататгана. Тээврийн яам үүнтэй холбогдох асуудлыг боловсруулсан байгаа. Энэ нь хоёр талын төслүүдэд аль алинд нь хангалттай ашигтай байх юм” гэж Беларусийн Ерөнхийлөгч БЕЛТА агентлагийн сэтгүүлчид ярилцлага өгөхдөө хэлжээ.

Тухайлбал, төмөр замын дамжин өнгөрөх тээврийг Беларусиар дайруулах боломжийг өргөн ашиглахыг Михаил Мясникович Монголын талд санал болгосон байна. Тэрбээр мөн Беларусийн ил уурхайн техникийг худалдан авахад экспортын зээл олгоход бэлэн байгаагаа мэдэгдэж, хөдөө аж ахуйн салбарт хамтарсан төсөл хэрэгжүүлэхийг санал болгосон байна.

Талууд мөн Улаанбаатарт Беларусийн Элчин сайдын яамыг нээснээр хоёр орны эдийн засгийн харилцаа ихээхэн идэвхжинэ гэдэгтэй санал нэгдсэн байна.

Монгол Улсын Ерөнхийлөгч мөн Украины хямралыг зохицуулах Беларусийн Ерөнхийлөгчийн санаачилгыг өндрөөр үнэлжээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.