Японы мэргэжлийн сумо бөхийн намрын башё эхэллээ

Twitter Print
2021 оны 09-р сар 13-нд 11:19 цагт
Мэдээний зураг,

Японы мэргэжлийн сүмо бөхийн Намрын Башё өчигдөр эхэллээ. Энэ башёгоос Екозүна цолтой барилдаж буй Тэрүнофүжи Ган-Эрдэнэ Ичиножо Ичинорвийг эхний өдөр давлаа.

Мэргэжлийн сүмо бөхийн намрын башё энэ амралтын өдөр Токио хотын Реогокү Кокиүган ордонд эхэллээ. Энэ удаагийн башёг Хакүхо болон түүний Мияагино дэвжээнийхэн цар тахлын улмаас өнжиж байгаа. Эхний өдрийн онцлох барилдаан шинэхэн ёкозүна Тэрүнофүжи Г.Ган-Эрдэнэ болон Covid-19-ийн халдвар аваад саяхан эдгэрсэн Ичиножо А.Ичинноров нарын хооронд боллоо.

Барилдаанд ёрокири мэхээр Тэрүнофүжи Ган-Эрдэнэ давж Ёкозүна цолтой анхны даваагаа авлаа. 2021 онд болсон дөрвөн башёгийн хоёрт нь түрүүлж, хоёрт нь үзүүрлээд буй Тэрүнофүжиг энэ удаагийн башёд саадгүй түрүүлнэ гэж олон хүн итгэж байгаагийн дотор мэргэжлийн сүмо бөхийн 52 дахь ёкозүна, NHK телевизийн сүмо тайлбарлагч Китанофүжи багтаж байгаа билээ.

Эхний өдөр бусад монгол бөхчүүдээс тамаваши Мөнх-Оргил Маэгаширагийн гуравт эрэмбэтэй Котоновакаг, Кирибаяама Б.Лхагвасүрэн Сэкиваке Месейг, Хошорюү Бямбасүрэн озези Шодайг давсан бол Чиёошима Мөнхсайхан маэгаширагийн дөрөвт эрэмбэтэй Дайэшод, Миторюү Б.Төрболд маэгаширагийн 17-д эрэмбэтэй Чиёонокүнид тус тус унажээ. Барилдааны хоёр дахь өдөр Хошорюү Бямбасүрэн Ёкозүна Тэрүнофүжи Ган-Эрдэнтэй барилдана.

Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.