Афган эмэгтэйчүүд төрд ажиллах бус хүүхэд гаргах үүрэгтэй гэжээ

Twitter Print
2021 оны 09-р сар 13-нд 08:20 цагт
Мэдээний зураг,

Талибан хөдөлгөөний төлөөлөгч Зекрулла Хашими Афганистаны үинэ засгийн газарт нэг ч эмэгтэй хүн ажиллахгүй гэдгийг онцолжээ. Түүний хэлж байгаагаар эмэгтэйчүүдийн гол үүрэг нь хүүхэд төрүүлж, хүүхдүүддээ боловсрол олгох ба эмэгтэйчүүд төрд ажиллах чадваргүй аж.

Талибан хөдөлгөөн Афганистаны нийслэл Кабулыг эзэлж, төрийн эрхийг ч буйгаа мэдэгдсэнээс хойш Афганистан даяар иргэд эмэгтэйчүүдийн эрх, иргэний эрх чөлөөг хүндэтгэхийг шаардсан жагсаал цуглаануудыг зохион байгуулж эхэлсэн юм. Тэдгээр жагсаал цуглааны үеэр Талибаны дайчид 4 хүний амийг хөнөөсөн явдлыг НҮБ, Хүний эрхийг хамгаалах байгууллагууд буруушааж байна. Жагсаалын үеэр Талибаны цэргүүд жагсагчдын эсрэг бороохой, ташуур, буу зэргийг ашиглажээ.

Мөн жагсаал цуглааныг сурвалжилж буй сэтгүүлчдийн эсрэг хүч хэрэглэсэн явдлууд бүртгэгдээд байгаа ба талибууд сэтгүүлчид зураглаачдыг баривчилж, зодож, шахуурдсан талаар сэтгүүлчид БиБиСи сувагт өгсөн ярилцлагадаа дурджээ. Өнгөрсөн сард Талибан хөдөлгөөн төрийн эрхэнд гарахдаа эмэгтэйчүүдийн тал дээр 1990-ээд оныхоос илүү зөөлөн бодлого баримтална гэж амласан билээ. Үүнд эмэгтэйчүүдэд их дээд сургуульд сурах, ажилд хөдөлмөр эрхлэх эрхийг олгоно гэсэн юм.

Нөгөөтэйгүүр талибууд их дээд сургуулиудаас эмэгтэй оюутнуудыг эрэгтэй оюутнуудаас тусад нь өөр танхимд суулгахыг шаардаж байгаа ба хувийн их дээд сургуулиудад эмэгтэй оюутнууд зөвхөн нүд нь ил гардаг никаб хэмээх өмсгөл өмсөх ёстой гэжээ.

Түүнээс гадна талибууд эмэгтэйчүүдийг спортоор хичээллэхийг хориглосон ба үүнд Афганистан улсын крикетийн шигшээ багт багтдаг эмэгтэй тамирчид ч багтах аж.

Эх сурвалж: interfax.ru

Содномцэрэнгийн Энхзаяа

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.