А.Венгерын шавь нар “Лигийн цом”-оос хасагдлаа

Twitter Print
2014 оны 09-р сар 24-нд 09:27 цагт
Мэдээний зураг,

Английн хөлбөмбөгийн лигийн цомын гуравдугаар тойргийн тоглолтууд боллоо. Энэ тойрогт “Фулхэм”-“Донкастер Роверс” 2:1, “Суонси Сити”-“Эвертон” 3:0, “Саутхэмптон”-“Арсенал” 2:1, “Шервулбери Таун”-“Норвич Сити” 1:0, “Милтон Кейнес Донс”-“Брэдфорд Сити” 2:0, “Дерби Каунтри”-“Рейдинг” 2:0, “Сток Сити”-“Сандерлэнд” 2:1, “Боурнемаунт”-“Кардиф Сити” 3:0, “Шифельд Юнайтед”-“Лейтон Орент” 1:0-ээр тус тус хожсон бол “Ливерпуль”-“Миддлесборо” 2:2-оор тэнцжээ. Гуравдугаар тойрогт алдарт “Арсенал” клуб даруухан “Саутхэмптон” багт хожигдсон нь олны анхаарлыг татлаа. “Их бууч”-даас А.Санчес 14 дэх миунтанд эхний гоолыг оруулсан ч туршлагагүй хамгаалагчид нь тэргүүллээ хадгалж чадсангүй.

“Саутхэмптон”-оос Тадич, Клейн нар хоёр гоол оруулж Лондонгийн багийг тэмцээнээс хаслаа. Тоглолтын дараах хэвлэлийн хурал дээр Франц мэргэжилтэн А.Венгер хэлэхдээ “Бидэнд хамгаалалтын туршлага дутагдлаа. Үндсэн хамгаалагчид бэртэл байгааг та бүхэн ойлгох байх гэж бодож байна. Би хэнийг ч буруутгахыг хүсээгүй. Талбай дээр хэн сайн бөмбөг эзэмшиж довтолгоо зохион байгуулсан баг нь хождог. Саутхэмтон өнөөдөр үүнийг хийж чадсан. Одоо бидэнд “Аваргуудын лиг”, “Премьер лиг”-т гол анхаарлаа хандуулах үлдлээ” гэсэн юм.

“Арсенал” премьер лигийн шинэ улиралд таван тойргийн дараах байдлаар 2 хожил, 3 тэнцээ, 9 оноотой дөрөвдүгээр байр эзэлж байна. Мөн “Аваргуудын лиг”-ийн эхний тоглолтоо Германы “Боруссия Дортмунд”-ын эсрэг хийсэн ч 2:0-ээр ялагдсан аж.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.