Эрэгтэйчүүд Йорданыг 83:74-өөр хожлоо

Twitter Print
2014 оны 09-р сар 23-нд 19:34 цагт
Мэдээний зураг,

Азийн наадамд шалгаран оролцож буй Монголын сагсан бөмбөгийн эрэгтэй тамирчид хоёрдугаар шатны эхний тоглолтоо Йорданы багтай хийлээ. Энэ тоглолт тун ширүүн өрсөлдөөн дунд явагдаж 83:74-өөр манай улс ялалт байгууллаа. Уг тоглолтонд Б.Билгүүн, Т.Санчир нар оноо авалтаар багийн нөхдөө тэргүүлсэн. Гэвч дөрөвдүгээр үеийн төгсгөлд лидер хоёр тоглогч алдааны асуудалд орж сэлгээний суудалд шилжсэн аж. Үлдсэн хугацаанд Б.Одбаяр, М.Отгонмөнх зэрэн манай шилдэг тамирчид оноо авснаар өрсөлдөгчөө ийнхүү хожлоо. Эрэгтэйчүүд хэсгийн хоёр дахь тоглолтоо зохион байгуулагч орны багт хийнэ.

Монгол улс XVII удаагийн Азийн наадамд ажилттай оролцож багийн дүнгээр айргийн тавд бичигдэж байгаа. Сагсан бөмбөгийн эрэгтэйчүүд урьдчилсан шатанд Хонгконг, Мальдивыг хожсон бол Кувейтэд хожигдон хэсгээсээ хоёрдугаар байраар гарч ирсэн билээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.