Оросын Онцгой байдлын газрын дарга хүний амь аврах гэж байгаад амиа алджээ

Twitter Print
2021 оны 09-р сар 09-нд 11:24 цагт
Мэдээний зураг,

ОХУ-ын Онцгой байдлын газрын дарга Евгений Зиничев Арктикийн бүсийг гамшгаас хамгаалах сургалтын үеэр хүний амь аврах гэж байгаад амиа алджээ. 

55 настай Е. Зиничев Арктикийн хөгжлийн тухай баримтат кино хийхээр зураг авалтын байршил судалж байсан Оросын нэрт кино найруулагч Александр Мельникийг хаднаас хальтран ус руу унахад нь аврахаар араас нь ус руу үсэрчээ. Тэрээр уснаас цухуйж байсан хаданд цохигдон амиа алджээ. 

Осол Норильскоос баруун тийш 165 км зайд байрлах Путорана байгалийн дархан цаазат газарт Китабо-Орон хүрхрээний дэргэд болжээ. 

Е. Зиничев 2018 оноос хойш ОХУ-ын Онцгой байдлын газрын даргаар ажиллаж байгаа ба Ерөнхийлөгч Владимир Путины аюулгүй байдлыг хариуцан олон жилийн турш ажиллажээ 

Түүний карьер ЗХУ-ын тагнуулын албанаас эхэлсэн ба түүнтэй олон жил ажилласан Ерөнхийлөгч В. Путины хувьд маш том гарз тохиосон гэдгийг В. Путины хэвлэлийн нарийн бичгийн дарга Дмитрий Песков мэдэгджээ. 

Е. Зиничевийн орлогч Андрей Гуровичийн хэлснээр Е. Зиничев насараа бусдын амийг аварч ирсэн хүний хувиар А. Мельникийг унасан даруйд юу ч бодолгүй араас нь үсэрч баатарлагаар амиа алджээ.

Эх сурвалж: interfax.ru

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.