Итгэл хайрласан "Итгэл" сан

Twitter Print
2014 оны 09-р сар 22-нд 18:06 цагт
Мэдээний зураг,

Монгол Улсын Тэргүүн хатагтай Х.Болормаагийн тэргүүлдэг “Итгэл” Хавдаргүй Монгол Үндэсний Сан нь 2010 онд байгуулагдсан бөгөөд эрүүл мэндийн салбарын тусламж үйлчилгээ, чанар хүртээмжийг дээшлүүлэхэд бодит хувь нэмэр оруулах зорилготой ажилладаг билээ. Ялангуяа хүн амын дундах хорт хавдрын өвчлөл жилээс жилд нэмэгдэж, оношлогдсон тохиолдлын 80% нь хожуу шатандаа буюу эмчлэгдэх боломжгүй болсон үедээ оношлогдож байгаа өнөө үед хөнгөвчлөх тусламж, үйлчилгээний цар хүрээг нэмэгдүүлэхэд анхаарч байгаа юм.

Хөнгөвчлөх тусламж үйлчилгээ гэдэг нь хүнд өвчтэй хүн болон түүний гэр бүлийнхэнд сэтгэлзүй, сэтгэл санааны дэмжлэг туслалцаа үзүүлж, өвчтөний өвдөлт, зовиур шаналгаа, сэтгэлзүйн хямралыг дарах, багасгахад чиглэсэн эмчилгээ, асаргаа сувилгааны цогц тусламж юм. Энэ тусламж, үйлчилгээ нь манай улсад үүсэж хөгжөөд 10 гаруй жил болж байгаа хэдий ч улсын хэмжээнд 16 ортой ганцхан тасаг ХСҮТ-д ажиллаж байна. Ийм учраас “Итгэл” Хавдаргүй Монгол Үндэсний Сан хөнгөвчлөх эмчилгээний чиглэлээр төсөл хэрэгжүүлж, Чингэлтэй, Сүхбаатар, Баянзүрх, Хан-Уул, Налайх дүүргүүдийн нэгдсэн эмнэлэгт шинээр хөнгөвчлөх эмчилгээний өрөөнүүдийг нээн өгч, орчин үеийн стандарт шаардлагад нийцсэн тоног төхөөрөмжүүдийг хандивлалаа. Ингэснээр эдгээр дүүргүүд өөрийн харьяалалын хөнгөвчлөх эмчилгээ шаардлагатай өвчтөнгүүдэд олон улсын түвшний тусламж үйлчилгээг үзүүлэх боломжтой боллоо. Мөн ХСҮТ-ийн хөнгөвчлөх эмчилгээний тасгийн 5 өрөө тус бүрт тоног төхөөрөмжийн шинэчлэл хийсэн байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.