Коронавирусийн халдварын зургаа дахь тохиолдол илэрлээ

Twitter Print
2020 оны 03-р сар 18-нд 11:38 цагт
Мэдээний зураг,

Сөүл-Улаанбаатар, Берлин-Москва-Улаанбаатар чиглэлийн тусгай үүргийн онгоцоор ирсэн 4 иргэнээс Коронавирусийн халдвар илэрсэн билээ. 

Тэгвэл өнөөдөр дахин нэг тохиолдол илэрч, Монгол Улсад коронавирусын халдварын зургаан тохиолдол бүртгэгдлээ. Эрүүл мэндийн яамны 11:00 цагийн хэвлэлийн бага хурлын үеэр ХӨСҮТ-ийн захирал Д.Нямхүү "3-р сарын 16-ны онгоцоор ирсэн нэг иргэнээс өчигдөр коронавирус илэрлээ. Түргэвчилсэн оношлуураар коронавирус илэрсэн. Оношийг баталгаажуулахаар лабораторийн нарийн шинжилгээ хийж байна. Берлин-УБ-ын онгоцоор зохион байгуулалттай ирсэн учир ойрын хавьтлуудыг шинжлэх ажил харьцангуй хялбар байна" гэсэн юм. 

ЭМЯ-ны Эмнэлгийн тусламжийн газрын дарга Я.Буянжаргал "2277 иргэнээс 1337 иргэн ажиглалтын байранд байна. 300 сэжигтэй тохиолдоос шинжилгээ авч, 5 тохиолдол батлагдлаа. Өнөө орой Истанбул-УБ-ын онгоцоор 252 иргэн ирэх мэдээлэл байна. Истанбулын онгоцоор нэг хүүхэд ирнэ. Халдвартын нарийн мэргэжлийн эмчийг хүнд хүүхдийг үзэж, хянуулах зорилгоор явуулсан. Тусгаарлах байранд байгаа иргэдийн бие хэвийн, халдварын шинж илрээгүй. ОХУ-аас ирэх иргэдийн тоо нэмэгдэх хандлагатай байна. Өнөөдөр 15.00 цагт Хятадын эмч, эрдэмтэд цахим хурал хийж, коронавирусийн халдвартай иргэдийн эмчилгээний туршлагыг нь судлах юм" гэлээ. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.