Япончууд коронавирусын эсрэг ХДХВ-ийн эсрэг эмчилгээг туршиж үзэхээр болжээ

Twitter Print
2020 оны 02-р сар 18-нд 11:35 цагт
Мэдээний зураг,

2-р сарын 18-ны байдлаар эх газрын Хятадад шинээр коронавирусын халдвар авсан 1886 хүн, уг халдварын улмаас нас барсан 98 тохиолдол бүртгэгдсэн нь өмнөх өдрүүдийн үзүүлэлтээс буурсан явдал байв.

Өнгөрсөн 1-р сарын 30-наас хойш коронавирусын халдвараар өвдсөн иргэдийн тоо 2000-аас, нас барсан иргэдийн тоо 2-р сарын 11-нээс хойш 100-аас буураагүй болохыг Хятадын Эрүүл мэндийн зөвлөлөөс онцолжээ. Гэсэн хэдий ч олон улсын мэргэжилтнүүд коронавирусын халдварыг хяналтандаа авч чадсан гэж хэлэхэд эрт байна хэмээн анхааруулж байна. Ковид-19 буюу коронавирусын шинэ төрлийн вирусын халдварын улмаас нийт 1873 хүн нас барсан бол халдвар авсан иргэдийн тоо 73 335, эдгэрсэн иргэдийн тоо 12 783-д хүрээд байна.

Хубэй мужид хатуу хөл хорио тогтоосноор коронавирусын халдварын тархалтыг хязгаарлаж чадсан ч энэ нь Хятадын эдийн засагт томоохон цохилт болоод байна. Японы Номура Группын шинжээчид БНХАУ-ын эдийн засгийн өсөлт энэ улиралд 3 ба түүнээс ч бага хувь болтлоо буурах төлөвтэй байгааг онцолжээ. 

Coronavirus infections slow in China as Apple warns of iPhone shortages-н зурган илэрц

Японы сайд нарын танхимын Ерөнхий нарийн бичгийн дарга Ёшихидэ Суга Японы эрдэмтэд Ковид-19 коронавирусын шинэ төрлийн вирусын халдварын эсрэг ХДХВ-ын эсрэг эмчилгээг туршихаар төлөвлөсөн талаар мэдэгдээд байна. Түүний хэлж байгаагаар коронавирусын эсрэг гаргаж авах эм хэзээ бэлэн болж, эмчилгээнд нэвтрэх нь тодорхойгүй байгаа аж. Японд коронавирусын халдвар авсан 500 гаруй тохиолдол бүртгэгдээд байгаагийн 450 нь Ёкохама боомтод хөл хорионд ороод буй Diamond Princess хөлөг онгоцны зорчигчид юм.

Тус хөлөг онгоцон дээр хөл хорионд байсан АНУ-ын 300 гаруй иргэн эх орон руугаа буцсан ба тэдгээрийн 14 нь коронавирусын халдвар авсан нь тогтоогдоод байгаа аж. Нийт 3700 орчим хүн зорчиж явсан Diamond Princess аяллын хөлөг онгоцны 400 орчим зорчигч коронавирусын халдвар авсан нь шинжилгээгээр тогтоогдоод байна.

Эх сурвалж: Reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.