Хойд Солонгос тусламжаар хуваарилагдсан КОВИД-19 эсрэг вакцинаа өөр улсад хандивлажээ

Twitter Print
2021 оны 09-р сар 02-нд 12:53 цагт
Мэдээний зураг,

ДЭМБ-ын КОВАКС хөтөлбөрийн хүрээнд Хойд Солонгос улсад Хятадын Синовак компанийн коронавирусын эсрэг ойролцоогоор 3 сая тун вакцин хандивласныг тус улсын эрх баригчид коронавирусын вакцины хомсдолд орсон улс орнууд руу шилжүүлэхийг хүссэн талаар НҮБ-аас мэдээлж байна. 

Хөгжиж буй орнуудад коронавирусын эсрэг вакцины хүртээмжийг нэмэгдүүлэх КОВАКС хөтөлбөрийн дагуу Хойд Солонгост коронавирусын эсрэг вакцин хуваарилсан ч Хойд Солонгос улс авахаас татгалзжээ. Түүнчлэн тус улсад өнгөрсөн 8-р сарын 19-ний байдлаар коронавирусын халдварын ганц ч тохиолдол бүртгэгдээгүй болохыг эрх баригчид нь мэдээлжээ. 

ДЭМБ-аас мэдээлснээр Хойд Солонгост  эрүүл мэндийн салбарын ажилчид болон томуугийн шинж тэмдэг илэрсэн нийт 37 291 хүнээс коронавирус илрүүлэх шинжилгээ хийснээс бүгд сөрөг хариутай гарчээ. 

Хойд Солонгос улсын хувьд коронавирусын цар тахал эхэлснээс хойш буюу 2020 оны 1-р сард улсынхаа хилийг бүрэн хаах арга хэмжээ авсан ба тус улсын эрх баригчид өнгөрсөн 7-р сард AstraZeneca компанийн коронавирусын эсрэг вакцины 2 сая тунг авахаас мөн л татгалзсан аж. 

ОХУ-ын Гадаад хэргийн сайд Сергей Лавров Москва Пхеньянд коронавирусын эсрэг Спутник-Ви вакцинаа нийлүүлэхийг санал болгосон талаар дурдаж байсан билээ. 

Нөгөө талаас Пхеньян коронавирусын эсрэг вакцины үр нөлөөнд эргэлзэж буйгаа илэрхийлэн, хэвлэл мэдээллийн хэрэгслүүдээрээ АНУ болон Европт коронавирусын эсрэг вакцины гаж нөлөө ихээр илэрч буй талаар онцолсоор байгаа юм.

Эх сурвалж: CNN

Содномцэрэнгийн Энхзаяа

mongolcom.mn

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.