Улсын нэгдүгээр төв эмнэлэгт бамбай булчирхайн дурангийн мэс заслыг анх удаа амжилттай хийлээ

Twitter Print
2020 оны 04-р сар 09-нд 10:32 цагт
Мэдээний зураг,

Улсын нэгдүгээр төв эмнэлгийн мэс заслын эмч С.Отгонбаяр ахлагчтай М.Баярмагнай, Б.Ганзориг, Ц.Ишдорж, анестезиологич эмч Б.Хишигсүрэн, мэс заслын сувилагч С.Жанболат, Анестезиологийн сувилагч Б.Энхтуяа резидент эмч Б.Наранцогт, Д.Хишигжаргал нараас бүрдсэн баг бамбай булчирхайн зангилааг хөх, суганы хүрцээр дурангийн аргаар авах мэс заслыг УНТЭ-т анх удаа амжилттай хийжээ.

Үйлчлүүлэгч 37 настай эмэгтэй хүзүүнд нь үүсгэвэр гэнэт томорсон, хүзүү хоолой дарсан зовиуртай хандсан байна. Бамбай булчирхайн баруун талын уйланхайт зангилаатай оношоор шингэнийг соруулж склероз эмчилгээ хийхэд үр дүн өгөөгүй тул дурангийн мэс заслыг хийхээр болжээ.

Уламжлалт нээлттэй мэс засал хийхэд хүзүүний өмнөд хэсэгт 5-10см урт хөндлөн зүслэг хийж бамбай булчирхайг авдаг бол уг дурангийн мэс засалд хүзүүний ил харагдах хэсэгт шарх сорви байхгүй харин хоёр хөхний дээр 5мм, суганы урд хэсэгт 5мм зүслэгээр авдагаараа гоо сайхан алдагдуулахгүй давуу талтай арга юм. Хөнөөл багатай энэхүү шинэ технологи нэвтэрснээр үйлчлүүлэгчид орчин үеийн бамбай булчирхайн мэс заслын тусламж үйлчилгээг өөрийн орондоо авах боломж нээгдэж байна. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.