Кофе хортой юу, аль эсвэл...

Twitter Print
2020 оны 02-р сар 16-нд 18:37 цагт
Мэдээний зураг,

Кофе хортой, хоргүй, биед муу сайн, эрүүл мэндэд ашигтай ашиггүй гэж маргалдсаар ирсэн, одоо ч үүнийг бичиглэх хооронд та кофе ууж л байгаа, эсвэл хэн нэгэн нь "Наадахаа хая, хортой" гэж л байгаа.

Кофе анхилам сайхан үнэртэй, оюуны хүчийг сэргээгч, ялангуяа бичиг номын бидэнд бол анд сайн нөхөр. Гэвч зүрхийг шавдуулан шахаж дарамтлах нь бий. Үүнийг би санаан зоргоор бичсэнгүй, даяанд нэрд гарсан эрдэмтний номноос үзээд авна уу, байна уу яахав, өөртөө нэг бодолтой яваг гэж бодоод бичлээ.

Жинхэнэ органик кофег хараар нь уувал:

Нэгд: Судасны хатуурлыг бууруулах.

Хоёрдугаарт: Хөгшрөх зөнөглөхөөс хамгаалах

Гуравдугаарт: Саахарыг бага ч атугай бууруулдаг гэсэн байна. Саахар мэдээж муу, сүү ч гэсэн дээ тааруухан бололтой. Удаан хадгалахын тулд янз бүрийн химийн бодис оруулдаг бололтой.

Манай монголчуудын дийлэнх олон нь шуналтайяа хэрэглэдэг лаазалсан буюу шилэн савтай кофе, гялгар жижиг ууттай кофе бол хүнсний хорт чанараар НЭГДҮГЭЭРТ бичигдсэн байна. Солонгосын "алдарт" шар кофе зэрэг...

Кофений үрийг бутлагч машин бололцооны айлуудад бий. Е-март дэлгүүрт дор нь нүдэн дээр бутлаад цаасанд уутлаад өгдөг тэр кофе бол сайн юм байна гэж ойлголоо.

coffee-н зурган илэрц

Манай МУИС-ийн нэгэн нэрт профессор лаазалсан кофег цай шиг уудгаараа алдартай. Бүр унтахын өмнө уудаг гэдэг. Үүнийгээ бахархдаг нэгэн. Тэгвэл эрхэм найз профессор минь 1-р зэргийн хор ууж байгаагаа мэдээд ойлгоод хаявал зүгээрсэн. Мань эр зөрүүд л дээ. Арай ч миний үгэнд орох хүн биш. Дураараа болтугай. Хурал зөвлөгөөн семинарын гол ундаа, хаа сайгүй олддог болохоор хэн ч бултаж чадахгүй биз ээ. Зориг зорилго л хэрэгтэй.

Гэхдээ бүх юм хэмжээтэй. Манайхан үгүй бол хэтрүүлдэг, эсвээс дутуудуулдаг. Өглөө нэг аяга хар кофе уувал болоод явчих бололтой. Кофе гэдэг үгийг манай Тангадын Галсан абугай "БОРГОЛ" гэж нэрлэдэг. Үнэхээр ингээд бичээд, яриад хэвшүүлчихвэл нэг ч гэсэн гадаад үгийг монгол болгож байгаагаараа сайн... Харин цаадах "Галсан гуайн монгол хэлийг" та өөрөө тааллаараа ашиглах биз ээ. Манай сайхан найрагч, уран шоглооч Пунцагийн Бадарч гуай "Галсангийн монгол хэлийг сурснаас англи хэл сурсан дээр" гэж найрсагаар шоглож инээлгэдэг.

кофе-н зурган илэрц

Хэм хэмжээ бол бүх юмны орой дээр нь байх хаан титэм юм. Ходооны 7О хувь нь хоолтой, 3О хувь нь өлөн хоосон явбал та бол хэд ч наслах нь ээ. Архи ч ялгаагүй гэнэ. Архи уугаад 100 насалсан япон хүн цөөн биш гэнэ. Черчилль өдөрт бараг нэг шил коньяк уудаг, бараг хайрцаг шахуу гавана бүдүүн янжуур татаад 8О нэлээд гарсан жишээг мэднэ дээ. Та өөрийгөө таньсан бол таны өмнөөс юу хэлэх билээ. Авах гээхийн ухаанаар хандтугай.

Архийг эм шиг хэрэглэдэг Мөнгөний Бизьяа гэдэг ахмад сэтгүүлч байсан тухай ахмадууд ярьдаг. Хоолны махыг 3О удаа зажилж байж ходоод руугаа "илгээдэг" байх ёстой юм байна. Амттан араандаа, амандаа л амттай болохоос цааш ходоод руу явах зуурын амтыг бид мэддэггүй мэдэрдэггүй. Ерөнхий сайд асан П.Жасрай гуай махыг 33 удаа зажлах ёстой гээд л инээгээд ярьж байсан даа, хөөрхий... гэж нэгэн том улс төрч ярьж байсан нь энэ мөчид санаанд орвой.

Эцэст нь юу сайхан бэ? дур сайхан. Бүх дуранд хор нь буй, эм нь буйг болгоотугай.

СГЗ, сэтгүүлч До.Цэнджав

DANYILLE, USA

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.