А.Навальныйг шоронд хорино гэжээ

Twitter Print
2020 оны 12-р сар 29-нд 11:46 цагт
Мэдээний зураг,

ОХУ-ын Шүүхийн шийдвэрийг гүйцэтгэх газраас Оросын сөрөг хүчний тэргүүн Алексей Навальныйг ирэх мягмар гарагийн өглөө гэхэд Шүүхийн шийдвэр гүйцэтгэх газарт ирж бүртгүүлэхийг шаардсан ба товлосон өдрөөс хойш ирсэн тохиолдолд хорих ялаар шийтгэнэ хэмээн анхааруулжээ.

Оросын Ерөнхийлөгч Владимир Путиныг шүүмжлэгч А.Навальныйгийн хувьд өнгөрсөн 8-р сард биеийн байдал нь огцом муудаж, түүнийг гэр бүлийнх нь хүсэлтээр ХБНГУ-ын эмнэлэгт шилжүүлсэн билээ. Герман болон барууны хэд хэдэн орнууд А. Навальныйг ЗХУ-ын эрдэмтдийн бүтээсэн "Новичок" төрлийн бодисоор хордуулсан хэмээн үзэж буйгаа илэрхийлсэн юм. ОХУ-ын зүгээс А. Навальныйг хордуулсан гэх баримт нотолгоо байхгүй хэмээн болсон үйл явдалд ямар ч хамааралгүй хэмээн мэдэгдсэн билээ.

ОХУ-ын Шүүхийн шийдвэр гүйцэтгэх газар Алексей Навальныйг тэнсэн харгалзах ялынхаа нөхцлийг зөрчиж, ОХУ-ын Шүүхийн шийдвэр гүйцэтгэх газрын хяналтаас зугтаж байна хэмээн буруутгаж байгаа аж. Оросын Шүүхийн шийдвэр гүйцэтгэх газар Анагаах ухааны The Lancet сэтгүүлд А. Навальныйг Берлин дэх эмнэлгээс өнгөрсөн 9-р сарын 20-нд гарч, өвчнийх нь бүх шинж тэмдэг 10-р сарын 12 гэхэд үгүй болсон тухай бичсэн нийтлэлийг онцолжээ. Оросын эрх баригчдын үзэж байгаагаар цоо эрүүл болсон А. Навальный шүүхээс оноосон ялыг гүйцэтгэхгүй, Шүүхийн шийдвэр гүйцэтгэх газрын хяналтаас зугтаж байгаа аж.

2014 онд А. Навальныйд шүүхээс 3.5 жилийн тэнсэн харгалзах ял оноосон ба А. Навальный шүүхийн шийдвэрээр 2020 оны 12-р сарын 30 хүртэл шүүхийн шийдвэр гүйцэтгэх газрын хяналтанд байх ёстой байсан аж Оросын Шүүхийн шийдвэр гүйцэтгэх газраас энэ даваа гарагт гаргасан мэдэгдэлдээ А. Навальныйг Шүүхийн шийдвэр гүйцэтгэх газарт өөрйин биеэр ирж бүртгүүлэх эс бөгөөс түүнийг Шүүхээс оноосон ялыг зөрчсөн хэмээн хорих ялаар шийтгэнэ хэмээн дурдсан байна.

Нөгөө талаас А.Навальный ОХУ-ын Шүүхийн шийдвэр гүйцэтгэх газар The Lancet сэтгүүлд бичсэн нийтлэлийг үнэн зөв гэж үзэж түүнийг ОХУ-д ирэхийг шаардаж байгаа бол Оросын эрх баригчид The Lancet сэтгүүлд түүнийг "Новичок" төрлийн бодисоор хордсон гэж бичсэнийг ч мөн үнэн зөв гэдгийг хүлээн зөвшөөрч, түүнийг хордуулсан явдлыг шалгаж, эрүүгийн хэрэг үүсгэх ёстой хэмээн мэдэгджээ.

Эх сурвалж: Interfax.ru

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.