Ашидаад баярлалаа

Twitter Print
2020 оны 01-р сар 15-нд 10:38 цагт
Мэдээний зураг,

Чинбаа, Сарнай хоёрт туслах аян үргэлжилсээр. Хөгжмийн зохиолч, продюсер Б.Чинбат өвөрмонгол ахан дүүстэй хамтран ажилласаар иржээ.

Түүнтэй монгол туургатны үндэсний сонгодог бүтээл ч гэдэг “Жангар” туулиас сэдэвлэсэн бүжгэн жүжигт хамтарч ажилласан, Ордос нутгийн уугуул, хөгжмийн зохиолч, продюсер Юншээбүү овогт Ашидаа санаачлан уран бүтээлч нөхдийн хамт Өвөр Монголд тав хоногийн аян өрнүүлснээр Чинбаа, Сарнай хоёрт зориулан 45 сая төгрөг цуглуулж, шилжүүлсэн байна. 

Сайн үйлст Ашидааг найзууддаа танилцуулъя. Тэрбээр 1978 онд ӨМӨЗО-ы Ордос хотод төржээ. “Дархан” хэмээх рок хамтлагийн хөгжимчнөөс урлагийн амьдралын гараагаа эхэлсэн. Тухайн үеийн хамтлагийн дуучин Хурцхүү нь өнөөдрийн олноо алдаршсан “Хангай” хамтлагийн дуучин аж. 

Ашидаа 2010 оноос Монгол Улсын уран бүтээлчидтэй хамтарч дууны аялгуу зохиож, хөгжмийн томоохон бүтээл дээр ажиллах болжээ. Ардын дуу, түүхэн жүжиг, бүжгэн жүжгийн томоохон бүтээлүүдийг туурвиж ирсэн. Тухайлбал 2016 онд Ардын уран зохиолч Бавуугийн Лхагвасүрэн, хөгжмийн зохиолч Б.Чинбат нарын зэрэг уран бүтээлчтэй хамтран ажиллаж “Жангар” туульсийн зохиолыг бүжгэн жүжиг болгон Шинжаан Уйгурын “Ховог сээр” монгол үндэстний театрын тайзнаа тавьсан. 

2019 онд “Монгол Одон телевиз”-ийн Сэтгэлд хоногшсон эгшиг тоглолтын найруулагч, продюсерээр ажилласан нь үзэгчдийн таашаалд нийцсэн бүтээл болжээ. 2019 онд мөн Монгол Улс, БНХАУ-ын хооронд дипломат харилцаа тогтоосны 70 жилийн ойд зориулсан МҮОНТ, Монгол ОДОН ТВ хамтран зохион байгуулсан хүндэтгэлийн тоглолтын хаалтын дуу “Нөхөрлөлийн солонго” дууг мөн зохиожээ. Үүнээс гадна 300 гаруй дууны уран бүтээл, хөгжмийн дан болон томоохон хэмжээний бүтээлүүд туурвисан. Хөгжмийн зохиолч, продюсер Ю.Ашидаад Монгол, БНХАУ-ын соёл урлагийн харилцаанд оруулсан хувь нэмрийг Монгол Улсын Засгийн газраас 2017 онд Соёлын тэргүүний ажилтан цолоор шагнажээ.

Р.Оюунжаргал 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Zochin

      (66.181.161.115) 2020-01-15 20:50
      • 0
      • 0

      Saihan setgelt uvurmongolchuuddaa bayrlalaa sain uils delgereh boltugai

      Хариулах