Нийслэлийн МАН-ын хороо анх удаа 91.7 хувьтай ялалт байгуулжээ

Twitter Print
2020 оны 06-р сар 29-нд 15:25 цагт
Мэдээний зураг,

УИХ-ын ээлжит сонгууль өндөрдөж, МАН үнэмлэхүй ялалт байгуулав. Тэр дундаа нийслэлийн МАН анх удаа 91,7 хувиар ялалт байгуулсан түүхэн амжилттай сонгуулийг үдэв. Тодруулбал, УИХ-ын сонгуулийн 9 тойрогт МАН үнэмлэхүй ялалт байгуулж, бүх тойрогт МАН-ын гишүүд сонгогдов.

Мөн энэ удаагийн УИХ-ын сонгуулиар нийслэлийн есөн дүүргийн найман намын хорооны дарга сонгуульд өрсөлдсөн байна. Тэднээс Д.Алдаржавхлангаас бусад нь ялалт байгуулсан бол нийт нийслэлд нэр дэвшсэн 24 нэр дэвшигчээс 22 нь ялалт байгуулсан буюу 91.7 хувийн амжилт үзүүлсэн байна. Энэ нь өмнө гарч байгаагүй өндөр хувь бөгөөд үүнийг МАН-ын дарга У.Хүрэлсүх, Ерөнхий нарийн бичгийн дарга Д.Амарбаясгалан, Нийслэлийн МАН-ын хорооны дарга Д.Сумъяабазар нарын гар нийлэн ажилласантай холбон тайлбарлаж байна.

Ийнхүү нийслэлд дүүргийн намын хороодын дарга нар ялалт байгуулах нь эргээд ирэх орон нутгийн сонгуулиар нийслэлд МАН хүчтэй багтай өрсөлдөх нь хэмээн улс төрийн хүрээнд ярьж эхэлжээ.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.