СХД-ийн нутгийн захиргааны шинэ барилга ашиглалтад орж, иргэдэд үйлчлэхэд бэлэн боллоо

Twitter Print
2022 оны 02-р сар 23-нд 13:21 цагт
Мэдээний зураг,

СХД-ИЙН НУТГИЙН ЗАХИРГААНЫ НЭГДСЭН ШИНЭ БАЙР АШИГЛАЛТАД ОРЖ ИРГЭДЭД ҮЙЛЧЛЭХЭД БЭЛЭН БОЛЛОО

СХД-ийн нутгийн  захиргааны шинэ барилга ашиглалтад орлоо. Тус дүүргийн  зарим хэлтэс албадын байр хоорондоо хол зайтай байрласнаар иргэд үйлчилгээ авахад хүндрэлтэй цаг хугацааны хувьд багагүй хүндрэл учирдаг байсан юм. Тэгвэл нутгийн захиргааны Шинэ байр ашиглалтад орсноор иргэдэд хүрэх төрийн үйлчилгээний чанар хүртээмж илүү сайжрах ажээ.  

Тодруулбал иргэд  төрийн үйлчилгээг нэг цэгээс бүрэн авах боломж бүрдэж байна. Мөн шинэ байранд нийт  11 хэлтэс албадууд нүүж оржээ.

Цар тахлын үеийн нөхцөл байдлаас хамааран барилгын ажил удаашралтай явагдсан ч тус ажлыг шахаж улмаар 2022 оны 26-ны өдөр комисс баталгаажиж хэлтэс албадууд нүүж ороход бэлэн болжээ.

СХД-ийн шинэ нутгийн захиргааны байранд Боловсролын хэлтэс, Улсын бүртгэлийн хэлтэс, Худалдан авах ажиллагааны алба, Мэргэжлийн хяналтын хэлтэс, Гэр бүл, хүүхэд, залуучуудын хөгжлийн хэлтэс, Дотоод аудитын алба, Худалдан авах ажиллагааны алба, Захиалагчийн ажлын алба, Ахмадын хороо, ҮЭХ, Боловсролын хэлтэс, ЖДҮ-ийг дэмжих мэдээлэл сургалтын төв, Мэргэжлийн хяналтын хэлтэс, Улаанзагалмайн хороо зэрэг байгууллагууд үйл ажиллагаагаа явуулж эхлээд байна.

СХД-ийн  нутгийн захиргааны нэгдсэн байр нь 2019 оны Улсын төсвийн хөрөнгө оруулалтаар баригдсан байна. Энэхүү байгууламж нь 12 машины дулаан зогсоолтой, 9 давхар, 4070,96 мк талбай бүхий конторын зориулалттай аж.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.