Сэтгүүлчдийн хамгаалах зөвлөл Жулиан Ассанжийг АНУ-д шилжүүлэхгүй байхыг хүсчээ

Twitter Print
2021 оны 01-р сар 05-нд 14:28 цагт
Мэдээний зураг,

АНУ-д төвтэй хэвлэлийн эрх чөлөө, сэтгүүлчийн эрхийг хамгаалах ашгийн бус Сэтгүүлчдийг хамгаалах зөвлөл Wikileaks сайтыг үндэслэгч Жулиан Ассанжийн бүх ялыг хэрэгсэхгүй болгож, түүнийг АНУ-д шилжүүлэх оролдлогуудаа зогсоохыг Америкийн эрх баригчдаас шаарджээ.

Сэтгүүлчдийг хамгаалах зөвлөлийн дарга Роберт Махони, "Бид Их Британийн шүүх Жулиан Ассанжийг АНУ-д шилжүүлэхийг татгалзсан шийдвэр гаргасанд баяртай байна. АНУ-ын шүүхээс түүнд оноож буй зүйл заалтууд нь шүүх тогтолцоо сэтгүүлчдийг эх сурвалжийнх нь хамтаар мөрддөг сөрөг жишиг тогтож буйг харуулж байна. Бид АНУ-ын Хууль зүйн яамнаас Жулиан Ассанжид тулгаж буй ялуудыг хэрэгсэхгүй болгож, АНУ руу шилжүүлэх ородлогоо зогсоохыг уриалж байна." хэмээн мэдэгджээ. Их Британийн шүүгч Ванесса Барайтсер Жулиан Ассанжийг АНУ-д шилжүүлэхээс татгалзсан шийдвэр гаргасан ба тэрээр уг шийдвэрээ Wikileaks сайтын үндэслэгчийн сэтгэл зүйн эрүүл мэндийн байдалтай холбон тайлбарласан билээ.

Түүнчлэн Их Британийн шүүх Жулиан Ассанжийг батлан даалтаар суллагдаж болох эсэхийг хэлэлцэхээр төлөвлөжээ. АНУ-ын шүүхээс түүнд нийт 175 жилийн хорих ял төлөвлөөд байгаа билээ. Нөгөөтэйгүүр Мексикийн Ерөнхийлөгч Андрес Мануэль Лопес Обрадор Жулиан Ассанжид улс төрийн орогнол үзүүлэхэд бэлэн гэдгээ илэрхийлжээ. Тэрээр Гадаад хэргийн сайдаа Их Британийн эрх баригчидтай уулзан, Жулиан Ассанжийг суллах боломжийг хэлэлцэхийг даалгасан гэжээ.

Эх сурвалж: Interfax.ru

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.