Коронавирусын халдварыг Ухань хотын Өвчний хяналтын төв тараасан гэв

Өмнөд Хятадын Технологийн их сургуулийн эрдэмтэд Хятадад дэгдээд буй коронавирусын халдвар Ухань хотын загасны захаас 280 орчим метрийн зайд байрлах Ухань хотын Өвчний хяналтын төвөөс эхлэн тархсан гэж үзжээ.

Эрдэмтдийн үзэж байгаагаар Ухань хотын Өвчний хяналтын төв коронавирусыг лабораторийн нөхцөлд үржүүлж байсан ба уг вирусын халдвартай амьтдыг тэр дундаа 605 орчим сарьсан багваахайг лабораторидоо байлгаж байсан аж. Түүнчлэн Өмнөд Хятадын их сургуулийн Батоа Сяо болон Лэй Сяо эрдэмтэд коронавирусын халдвар авсан сарьсан багваахай Ухань хотын Өвчний хяналтын төвийн лабораторийн ажилтан руу дайрч, сарьсан багваахайн цус тухайн ажилтны арьсанд хүрсэн явдлыг онцолсон байна.

Коронавирусын халдвар авсан иргэдээс илэрсэн коронавирусын геном нь Ринолофус Аффинис төрлийн сарьсан багваахайнаас анх олдож байсан коронавирус CoV ZC45 вирусын геномтой 96 болон 89 хувиар адилхан байгаа нь нотлогдсон байна. Иймээс коронавирусын халдварыг Уханий загасны захаас бус тус захаас 200-хан метрийн цаана байрлах Ухань хотын Өвчний хяналтын төвөөс эхлүүлэхийг зөвлөсөн байна. Түүнчлэн Ухань хотын Өвчний хяналтын төв нь коронавирусын халдварыг анх авсан эмч нарын ажиллаж байсан эмнэлэгтэй залгаа оршдог болохыг онцолжээ.

Эрдэмтдийн хэлж байгаагаар коронавирусын халдвар Ухань хотын Өвчний хяналтын төвөөс гадагш тархаж, хүмүүсийг өвчлүүлсэн байх магадлалтай ч үүнийг батлахын тулд нэмэлт баримт нотолгоо шаардлагатай гэжээ. 2002-2003 онд дэгдсэн Амьсгалын замын цочмог өвчин үүсгэгч SARS-н вирусын тээгч нь мөн л сарьсан багваахай байсан билээ. 

Эх сурвалж: Arirangnews

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.