Буудлагын бүсгүйчүүд багаараа мөнгөн медаль хүртлээ

Twitter Print
2014 оны 09-р сар 11-нд 09:07 цагт
Мэдээний зураг,

Испани улсын Гранада хотод буудлага спортын дэлхийн аваргын тэмцээн үргэлжилж байна. Дөрвөн жилд нэг удаа болдог энэхүү тэмцээнд амжилттай оролцсон тамирчид “Рио 2016” зуны Олимпийн эрх авах аж. Өчигдөр спорт гар бууны 25 метр, 50 метрийн хэвтээ 60 сумны эрэгтэйчүүдийн дасгалын урьдчилсан буудлага явагдсан. 25 метрийн буудлагад эх орноо төлөөлөн оролцсон О.Гүндэгмаа, Ц.Мөнхзул, Т.Баярцэцэг нар багийн дүнгээр 1739 оноо авч мөнгөн медалийн болзол хангажээ.

Энэ төрөлд БНХАУ-ын баг 1741 оноогоор алт, БНСУ-ын бүсгүйчүүд 1734 оноогоор хүрэл медалийн болзол хангасан аж. Монголын мэргэн бууч бүсгүйчүүд 1998 онд Испанийн Барселона хотод болсон дэлхийн аваргын энэ дасгалд хүрэл медаль авч байсан. Хари энэ удаа өмнөх амжилтаа ахиулж мөнгөн медаль энгэртээ зүүлээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.