Улс төр, засаглал: Монгол улстай ойртон нөхөрлөхийг тушаасан

2014 оны 09-р сар 10-нд 11:34 цагт
Мэдээний зураг,

Эрхүү муж Монгол улстай хамтын ажиллагаа хөгжүүлэхэд бэлэн байгаа тухай тус мужийн захирагч Сергей Ерощенко мэдэгдсэн байна. Мужийн засаг захиргааны хэвлэлийн албанаас мэдээлсэнээр, ОХУ-ын ерөнхийлөгч Владимир Путины удирдлага дор Монгол улсад ажилласан Оросын төлөөлөгчдийн хүчин чармайлтын үр дүнд  Эрхүү муж зам тээвэр, төмөр зам, агаарын тээврийн чиглэлээр Монгол улстай хамтран ажиллах өргөн боломж нээгдсэн талаар мужийн захирагч мэдэгджээ.


“Хил нэвтрэх бэрхшээлтэй олон дүрэм журмыг халж харилцан визгүй зорчих болсон явдал Орос, Монгол улсуудын хооронд бараа эргэлтийн хэмжээг нэмэгдүүлж, худалдаа, хүмүүнлэгийн харилцааг өргөжүүлнэ. Үүнтэй холбоотойгоор Эрхүү мужийн газар тариалангийн цогцолбор Монгол улсын хөдөө аж ахуйн байгууллагуудтай цаашдын хамтын ажиллагааг бэхжүүлж сүү, сүүн бүтээгдэхүүн, газар тариалангийн үр, олон наст өвс ургамал, төмс, хүнсний ногоо нийлүүлэх чиглэлээр хамтран ажиллахаар төлөвлөж байгааг Сергей Ерощенко тэмдэглэсэн байна.

ОХУ-ын ерөнхийлөгчийн айлчлалын хүрээнд Монгол улсын боловсролын салбарт хамтран ажиллах, тэр дундаа Байгалийн дэргэдэх (Прибайкалья) бүс нутгийн хэмжээнд соёл, спорт, мэдээлийн чиглэлээр зохион байгуулагдаж байгаа олон улсын үйл ажиллагаанд Монгол сурагчдыг өргөн оролцуулж байх тухай асуудал яригдсаныг Сергей Ерощенко тэмдэглээд, хоёр талын хамтын ажиллагааг бэхжүүлэхийн тулд Эрхүү муж, Монгол улстай худалдаа эдийн засаг, шинжлэх ухаан-техник, соёлын ажиллагааг өргөжүүлэх Засгийн газрын гэрээ хэлцэлийг мөрдөж ажиллахаа мэдэгдсэн байна.

2013 оны эдийн засгийн дүн мэдээллээр Эрхүү муж Монгол улстай 260,3 сая долларын худалдаа хийсэн аж. Тус бүс нутгийн нутаг дэвсгэрт хөрөнгө орруулалт, худалдаа арилжааны чиглэлээр Монгол улсын 13 байгууллага үйл ажиллагаа явуулж байгаа бөгөөд эдгээр газрын тосны бүтээгдэхүүн борлуулалт, ой мод, модон бүтээгдэхүүн, авто тээврийн хэрэгсэл, барилга байгууламж, гэрийн тавилга худалдаа, үл хөдлөх хөрөнгө түрээслэл зэрэг салбарын ажил үйлчилгээ эрэхэлж байгаа аж.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.