АНУ-д нэг өдрийн дотор 1700 гаруй хүн нас барлаа

Twitter Print
2020 оны 04-р сар 08-нд 14:39 цагт
Мэдээний зураг,

АНУ-д өнгөрсөн мягмар гарагт 1736 хүн коронавирусын халдварын улмаас нас баржээ. Эдгээрээс 731 нь Америк дахь халдварын голомт болсон Нью Йорк мужид бүртгэгдсэн байна.

Жон Хопкинсийн Их сургуулиас мэдээлж байгаагаар АНУ-д коронавирусын халдварын улмаас нас барсан нийт иргэдийн тоо 12 722-т хүрчээ. Тус улс коронавирусын халдвар авсан иргэдийнхээ тоогоор тэргүүлж байна. АНУ-д нийт 398 мянган хүн КОВИД-19 өвчнөөр өвдөөд байна. Хэвлэлийн бага хурлын үеэр АНУ-ын Ерөнхийлөгч Доналд Трамп АНУ коронавирусын халдварын дэгдэлтийн оргил үедээ хүрээд байна хэмээн онцолжээ.

АНУ коронавирусын халдварын улмаас нас барсан иргэдийнхээ тоогоор Италийг давахад ойрхон байна. Нью Йорк мужийн захирагч Эндрю Куомо тус мужид коронавирусын халдвар оргил үедээ хүрсэнийг мэдэгдэн, мужийн эмнэлгүүд болон эрчимт эмчилгээний тасгууд дүүрсэн болохыг онцолжээ. Тэрээр иргэдэд гэрээсээ гарахгүй байх, хоорондоо зай барьж, олноороо цуглахгүй байхыг анхааруулжээ. АНУ-ын Ерөнхийлөгч Доналд Трамп цаашид коронавирусын халдварын улмаас нас барсан иргэдийн тоо буурах хандлагатай байгаа талаар дурдсан байна. Харин мэргэжилтнүүдийн тооцооллоор АНУ-д коронавирусын халдварын улмаас нас барсан иргэдийн тоо 240 орчим мянгад хүрэх аж.

US records highest daily death toll from Covid-19 in the world

Түүнчлэн Ерөнхийлөгч Доналд Трамп ДЭМБ Хятад улсын нөхцөл байдалд хэтэрхий анхаарч, заавар зөвлөмж гаргах асуудал дээр хангалтгүй ажилласан хэмээн шүүмжилжээ. Тэрээр ДЭМБ нь санхүүжилтийнхээ дийлэнх хувийг АНУ-аас авдаг хэрнээ тус байгууллага нь БНХАУ-д илүү анхаардаг хэмэээ цаашид ДЭМБ-ын санхүүжилтийг танахаа мэдэгджээ.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.