Г.Сарангэрэлийн хэргийг шалгаж байсан байцаагч нарыг шалгаж эхэллээ

Twitter Print
2014 оны 09-р сар 09-нд 13:18 цагт
Мэдээний зураг,

Хар тамхины хэргээр анхан шатны шүүхээс 1.6 жилийн хорих ял сонсоод буй Г.Сарангэрэл, Х.Гэрэл нарын дөрвөн охины хэргийг шалгаж байсан байцаагч нарыг шалгаж эхэллээ. Тэднийг Г.Сарангэрэлийн өмгөөлөгч Г.Батбаярын гомдлоор шалгаж эхэлсэн байна. Өмгөөлөгч Г.Батбаяр уг мөрдөн байцаагч нарыг Г.Сарангэрэлд хэрэг тулгасан гэж үзэж байгаа юм байна. Г.Батбаярын гомдлоор мөрдөн байцаагч Н.Энх-Амгалан, Н.Хурц нарыг ЦЕГ-ын Дотоод хяналт шалгалт аюулгүй байдлын газарт Г.Сарангэрэлийн хэргийг зохиомлоор хуурамч нотлох баримт бүрдүүлэн гэмт хэрэгт гүтгэсэн байж болзошгүй гэх үндэслэлээр шалгаж эхэлсэн байна.

Энэ талаар өмгөөлөгч Г.Батбаяраас тодруулахад “Хэргийн талаар мэдээлэл өгөх боломжгүй” гэсэн хариулт өглөө. Г.Сарангэрэлийн хэрэгт мөрдөн байцаагч нарыг шалгаад зогсохгүй өндөр албан тушаалтнууд захиалга өгсөн байж болзошгүй гэж шалгагдах нөхцөл байдал үүссэн гэж эх сурвалж мэдээллээ.

Юутай ч Г.Сарангэрэлийн хэрэгт нэр нөлөө бүхий хүмүүс холбоотой байж болзошгүй байгаа юм байна.

Б.Чимэг, 24tsag.mn 

 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.