82 настай саажилттай иргэн тусгай үүргийн онгоцонд бүртгүүлж чадалгүй БНСУ-д үлджээ

Twitter Print
2020 оны 04-р сар 07-нд 15:31 цагт
Мэдээний зураг,

Монгол Улсын Хөдөлмөрийн баатар Д.Баттөр нутаг буцах тусгай үүргийн онгоцонд сууж чадалгүй, БНСУ-д үлджээ. Тэрбээр эдүгээ 82 настай, саажилттай бөгөөд тус улсад түр оршин суух хугацаа нь дууссан хүндхэн нөхцөл байдалтай байгаа аж. Гэвч, Элчин сайдын яамны хүнд суртлын улмаас  нутаг буцаж чадалгүй үлдсэн тул Улсын Онцгой комисст гомдол гаргасан байна.

Улсын онцгой комиссоос нэн тэргүүнд хөгжлийн бэрхшээлтэй, өндөр настан, эмчлүүлж байгаа иргэдийг тусгай үүргийн онгоцоор эх оронд нь авчирна гэдгээ мэдэгдсэн ч, хүндэтгэх шалтгаан бүхий иргэнээ хамруулаагүйд тэрбээр гомдолтой байгаа юм байна.

Тэрбээр гомдолдоо “Миний бие Д.Баттөр нь 82 настай. Цусны даралт Харвалтын улмаас биеийн нэг тал саажилттай болсны улмаас Солонгос улсад эмчилгээнд ирж эмчлүүлдэг. Улмаар өнгөрсөн хоёрдугаар сарын 25-нд эх орондоо буцах нислэгийн тийзтэй байсан боловч, нислэг зогссон шалтгаанаар явж чадаагүй. Улмаар хоёрдугаар сарын 27-нд визний хугацаа дуусч дахин бичиг баримт бүрдүүлж очтол визний хугацаа дуусахаас өмнө ирэх ёстой шалтгаанаар сунгаж боломжгүй гэсэн хариу авсан боловч учир байдлыг ойлгуулж гуйж байж энэ сарын 18-ныг хүртэл сунгагдсан. Үүнээс хойш дахин сунгах боломжгүй гэж анхааруулсан. Өнгөрсөн гуравдугаар сарын 11-нд дахин бүртгэж өгөөгүй. Ингээд хоёр удаа бүртгэлд хамруулж өгсөнгүй.

Солонгос дахь Элчин сайдтай дөрөвдүгээр сарын 2-нд холбогдож учир байдлаа танилцуулахад хамгийн “Эхний нислэгийн шийд гарахаар буцах асуудалд анхаарч өгнө” гэж хэлсэн.

Гэвч, дөрөвдүгээр сарын 8-ны нислэгийн тов гарангуут холбогдох гэж нийт 653 удаа залгасан ч нэг ч удаа утсаа авсангүй. Миний бие Монгол Улсынхаа хөгжил цэцэглэлтэд залуу нас сэтгэл зүрхээ зориулж, хөдөлмөрлөж ирсэн учраас төр засгаас миний хөдөлмөр зүтгэлийг үнэлж, Монгол Улсын Хөдөлмөрийн баатар цолоор шагнагдсан.

  1. Миний нас 82 өндөр настан.

  2. Саажилт тэргэнцэртэй

  3. Виз сунгагдах боломжгүй.

Зэрэг олон шалтгаан байхад хүндэтгэх шалтгаанд орохгүй бол өөр ямар шалтгаан хэрэгтэйг тодруулж өгнө үү.

ЭСЯ хөл хориотой учраас очоод уулзах боломжгүй. Холбогдох утсаа авахгүй байна. Одоо бид хаана хандах ёстой вэ. Мөн тэнд надтай адил яах учраа олохгүй олон иргэд ЭСЯ үүдэнд сууж байсан. Иргэдэд үйлчлэх үүрэг хариуцлагатай томилогдсон Элчин сайд танаас дахин асууя. Бид хэнд хандах вэ хүний нутагт?. Цахим ертөнц хөгжсөн хөгжилт нийгэмд амьдарч буй та иргэддээ өөрийн нүүр царайгаар мэдээлэл хийхийг хүсч байна. Энэ асуудал орхигдож болохгүй том асуудах үүсэхээс урьтаж иргэддээ үйлчилнэ үү.

Хүндэтгэсэн: Д.Баттөр

2020 оны дөрөвдүгээр сарын 7” гэжээ.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • GM

      (211.36.131.18) 2020-04-09 07:55
      • 0
      • 0

      Solongosd bga elchinguudiig solie oo zaluu hunuus tomiloe, hund surtaltai bolowsrolgui yumnuud

      Хариулах

    • D

      (75.158.5.168) 2020-04-07 23:58
      • 0
      • 0

      Buh gazariin elchin saidiin yamnii ajilchid ih hund surtaltai bdag . Ted uursdiin yamar yyregtei henii tuluu uy hiij bgaagaa sain meddegyi humuus . Yynd gagaad yam anhaarah n zyitei baih aa .

      Хариулах

    • Irgen

      (68.204.74.16) 2020-04-07 21:03
      • 0
      • 0

      Tegnee ireh Ystoi n irj haragdaach

      Хариулах