Монголын иргэдийг ОХУ-аас элсэн чихэр, үр тариа авч гарахыг түр хугацаагаар хориглоно

Twitter Print
2022 оны 03-р сар 29-нд 15:32 цагт
Мэдээний зураг,

2022 оны 3-р сарын 30-наас эхлэн ОХУ-аас Монгол Улстай хуурай газрын хилээр нэвтрэх, гарахад тавьсан хязгаарлалтыг цуцалсантай холбогдуулан Буриадын гаалийн газрын нэгдүгээр орлогч дарга Иван Бурлак зарим төрлийн барааг гаалиар нэвтрүүлэхийг монголын иргэдэд түр хугацаагаар хязгаарласан талаар мэдээлэл хийлээ.

И.Бурлак: "Энэ оны 3-р сарын 30-ны 00.00 цагаас эхлэн ОХУ хязгаарлалтаа цуцалснаар, хилийн Хиагт, Наушки, Монды боомтоор дамжих зорчигчдын урсгал мэдэгдэхүйц нэмэгдэх төлөвтэй байна. Үүнтэй холбогдуулан ОХУ-ын Ерөнхийлөгчийн зарлиг, Засгийн газрын тогтоолд тусгагдсан зарим ангиллын бараа бүтээгдэхүүнийг ОХУ-аас экспортлохыг түр хугацаагаар хязгаарласан болохыг ОХУ, Монгол Улс болон гуравдагч орны иргэдэд анхааруулж байна" гэв.

Монгол иргэдийн тухайд нишингийн элсэн чихэр, буудай, улаан буудай, хөх тарианы холимог, хөх тариа, арвай, эрдэнэ шиш ОХУ-аас экспортлохыг хориглосон. Энэ хязгаарлалт хувийн хэрэгцээнд зориулж гаргах бараанд мөн хамаарах юм байна.

Үр тарианы экспортын хориг энэ оны зургадугаар сарын 30 хүртэл, элсэн чихрийнх наймдугаар сарын 31 хүртэл үргэлжилнэ.

Иван Бурлак мөн 2022 оны гуравдугаар сарын 2-ноос ОХУ-ын Ерөнхийлөгчийн зарлигийн дагуу 10 мянган ам.доллартай тэнцэх хэмжээний гадаад валютыг мөнгөн тэмдэгтээр гаргахыг хориглосон болохыг анхааруулав.

Энэ хязгаарлалт нь Оросын рубльд хамаарахгүй. Хилээр авч гарах бэлэн рублийн хэмжээ 10 мянган ам.доллараас давсан тохиолдолд мэдүүлэх үүрэг хэвээр байна.

Түүнчлэн, авч гарч буй рублийн хэмжээ 100 мянган ам.доллараас давсан тохиолдолд зөвхөн мөнгөө мэдүүлэхээс гадна гарал үүслийг нь баталгаажуулсан баримт бичгийг бүрдүүлэх шаардлагатай болжээ.

Эх сурвалж: Сосорбарамын Майдар

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.