Америкийн сагсан бөмбөгийн домогт тамирчин Коби Брайант, охин Жианнагийнхаа хамтаар Америкийн Калифорни мужид орон нутгийн цагаар өглөөний 10 цагийн орчимд нисдэг тэрэгний ослын улмаас амиа алдлаа.
41 настай Коби Брайант болон түүний охин 13 настай Жианна нар бусад 7 зорчигчийн хамтаар Калифорни мужийн Оранж каунтигаас Таузэнд Өүкс хотод болох сагсан бөмбөгийн тэмцээнд оролцохоор нисч байжээ. Мөн Брайантын охиных нь дасгалжуулагч Кристина Маусер, Жианна Брайнтын тоглодог багийн гишүүн Алисса Алтобелли аав, ээжийнхээ хамт явж байсныг тогтоожээ.
Лос Анжелес Каунтигийн цагдаагийн газраас мэдээлсэнээр Калифорни мужийн Калабасас хотод осолдсон нисдэг тэргэнд зорчиж байсан 9 хүн бүгд амь үрэгдсэн байна.
Коби Брайант нь Америкийн Үндэсний сагсан бөмбөгийн холбооны 5 удаагийн аварга бөгөөд сагсан бөмбөгийн спортын түүхэн дэх агуу тоглогчдын нэгд зүй ёсоор тооцогддог билээ.
Тэрээр эхнэр 4 охиныхоо хамтаар амьдардаг байсан бөгөөд ослын улмаас нас барсан 13 настай охин Жианна түүний хоёр дахь охин байжээ.
Коби Брайант болон түүний охины гэнэтийн үхэлтэй холбоотойгоор урлаг спортын дэлхийн одууд, улс төрчид болон шүтэн бишрэгчид нь нийгмийн сүлжээгээр дамжуулан гүн эмгэнэл илэохийлсээр байна.
Эх сурвалж: BBC
Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
Зочин
(202.126.88.153) 2020-01-27 11:16Ум сайн амгалан болтугай
Хариулах