Баян хүү

Twitter Print
2020 оны 10-р сар 29-нд 15:17 цагт
Мэдээний зураг,

Жигтэйхэн баян айлын нэг хүү байжээ.

Хүмүүс ямар ядуу амьдарч байгааг харуулах зорилгоор аав нь нэг өдөр хүүг хөдөө авч явлаа. Ядуу малчин айлд очоод хэд хоносон байна.

Буцах замдаа аав нь хүүгээсээ аялал таалагдсан эсэхийг асуулаа. “Маш гоё байлаа, ааваа” гэж хүү нь хариулав. “Миний хүү хүмүүс ямар ядуу амьдарч байгааг харав уу?” гэж асуухад хүү нь: “Тэглээ, ааваа” гэж хариулав. “Миний хүү ойлгосон ойлголтоо арай дэлгэрэнгүй тайлбарлаач” гэхэд хүү нь: “Манайд ганц нохой байдаг тэднийд дөрөв байна.

Манай цэцэрлэгт бассейн байдаг бол тэднийд эцэс төгсгөлгүй урсах гол байна. Бидэнд үнэтэй гэрлүүд байдаг бол тэд толгой дээрээ түмэн одтой байдаг юм байна. Бидэнд тагт байхад тэдэнд тал нутаг байна. Бидэнд жижигхэн газар байдаг бол тэдэнд зах хязгааргүй хөндий байна. Бид хоолоо худалдаж авдаг бол тэд үржүүлж өсгөдөг юм байна. Хөрөнгөө хамгаалах зорилготой өндөр хашаа бидэнд байдаг бол тэдэнд ер хэрэггүй юм байна. Найз нөхөд нь тэднийг хамгаалчихдаг юм байна. Баярлалаа ааваа, биднийг ямар ядуу амьдарч байгааг харуулсанд” гэж хариуллаа.

Аавд нь хэлэх үг олдсонгүй.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.