Найруулагч Н.Наранбаатар “Сүүлчийн шөнө” киногоо ОУ-ын кино наадмуудад сойно

Twitter Print
2014 оны 09-р сар 05-нд 09:42 цагт
Мэдээний зураг,

Монгол улсын Төрийн Соёрхолт, УДЭТеатрын Ерөнхий найруулагч Н.Наранбаатарын дэлгэцийн шинэ бүтээл бол МУСГЗ Ш.Гүрбазарын зохиол “Сүүлчийн шөнө” уран сайхны киноны зураг авалт амжилттай үргэлжилж байна.

Киноны үйл явдал хүний амьдралын гурван үеийн хайр дурлалыг харуулах бөгөөд анхны хайр, амьдралд ямар үнэ цэнэтэй, хүний амьдралыг тэтгэгч хүч нь болсон хайр зүрх бүхний гүнд ямархан удаан оршиж байдагийг өгүүлэх юм. Бид бие биенээ уучилж, хүндлэж, гэгээн үнэнийг нь олж харсан хайр үхлээс ч аварч чаддагийг харуулах юм.

Гол дүрд МУТС, МУГЖ Ц.Төмөрбаатар, МУГЖ Н.Батцэцэг, МУСТА О.Оюун, С.Болд-Эрдэнэ, Гэрэлсүх, Отгонтогос, УДЭТ жүжигчин М.Тогтохжаргал, Баярмаа, залуу жүжигчин Билигжаргал, Мөнгөнсүх, Дөлгөөн нар тоглож байгаа юм.

Парамайнд Арт болон Тэнгри Консепт, UB Film Media group хамтын бүтээл болох энэхүү кино нь техник технологийн хувьд дэлхийн стандартаар хийгдэж байгаа бөгөөд продюсингийн ажлыг ч шинэлэг байдлаар хийхээр төлөвлөөд байна.

Өөрийн орны үзэгчиддээ хүргэхээс гадна олон улсын кино наадмуудад сойхоор төлөвлөгдөн бүтээгдэж буй “ Сүүлчийн шөнө ” Мелодрам уран сайхны кино бүхэлдээ мэргэжлийн уран бүтээлчидээс бүрдсэн багийн уран бүтээл болж байгаагаараа онцлог болж байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.