Энийг хар даа, модон чихэр!

Twitter Print
2020 оны 05-р сар 30-нд 12:17 цагт
Мэдээний зураг,

Өнөөдөр бүтэн өдөр гэр хорооллын хүүхдүүдийн тоглоомын талбайг сурвалжилж хүүхдүүдтэй ярилцаж явлаа. Фэйсбүүкийн араас юм бичээд юу ч хийж чадахгүй суугаад байгаа нь үнэхээр утгагүй бачуурам байв. Явах тусам яагаад тэр 4 хүүхэд тоглоом хайж цэцэрлэгт хүрээлэн явсан нь ойлгогдож байлаа.

Үнэхээр үзээд өгье гэсэн ч олигтой тоглоом, талбай ховор ажээ. Өдөр цагаан давааны энгэрт ийм нэг зураг буулгав. Энэ нэг савлуур гэхэд хэцүү хэзээ тасраад хүүхэд уначих нь мэдэхгүй хялгасан уяаг хүүхдүүд өөрсдөө бүтээжээ. Гол нь энэ зөөлөвчөндөө байдаг гэнэ "Уяан дээр дангаар нь суухаар бөгс холгоод өвдөөд байдаг юм, тэгээд хогон дээрээс нэг ийм порлон шиг юм олоод тэрэн дээрээ ивж суухаар гайгүй байдаг" гэж бяцхан охин шулганан тайлбарлана. Тэнд бараг 20 орчим хүүхэд байсан. Энэ тоглоомын талбай бол миний харахад зүгээр балгас. Энд тэнд нь үзүүртэй төмөр цухуйцан, хашаа шиг юм нь ганхаад салж унаж байгаа, нэг ширхэг гулсуур нэг ширхэг савлуургүй савлуур. Та нар тэгээд энэ тоглоомондоо дуртай байдаг юм уу? гэж асуутал "Ер нь гайгүй дээ өөр угаасаа байхгүй, тэр нэг буудал дээр уул нь арай том газар байдгийн гэхдээ аймар хол..." гэж хэрсүүхэн шулганах 8,9 настай болов уу гэмээр бяцхан охин. Салхи гарахаар л цагаан давааны хогийн цэгийн машинаас унасан хогнууд нь хийсэж ирээд бараг хогийн цэг юм уу тоглоомын талбай юм уу гэмээр ...

Бид хүүхдийн гүйн харайх талбайг булаасан, бид хүүхдийн гулгаж тоглодог уулыг булаасан, бид хүүхдэд хүчирхийлэл архидалт үлгэрлэсэн, бид хүүхдийн бага насыг хулгайлсан, одоо тэдний амийг бид булааж байна! Нэгэнт одсон бяцхан амийг хүртэл улс төрийн нэгнээ намнах хэрэгсэл болгож зарим нь хариуцлагаас зугтаж зөвхөн нүүрээ хамгаалж байна.

Намайг дэмжээрэй! гэх үг бүрийн араас чи тэгвэл Монгол хүүхдийн төлөө юу хийх юм? Юу хийсэн юм гэж асуу! Үүнийг гол цензурээ болго. Ойр орчныхоо ийм бэлэг тэмдэг балгаснуудын зургийг аваад нүүр номон дээрээ тавь. Хороо дүүргийг нь зарла! Энэ сэдвийг өөр сенсаацаар битгий соль. Дарханд гэртээ цоожлогдон шатаж үхсэн 3 хүүхэд, тоглох гэж гэрээсээ гараад усанд үрэгдсэн 4 бяцхан амь, жилд ийнхүү чимээгүй оддог 140 хүүхдийн амины төлөө, дахиж ийм хэрэг гаргахгүйн төлөө ямар нэг зүйл хийцгээе! 

Ч.Ганжавхлан 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • КАРГО 514

      (46.188.98.10) 2019-10-09 20:28
      • 0
      • 0

      Доставка грузов из Китая "КАРГО 514" Авиа 12-15 дней Авто 18-25 дней Цены зависят от веса и объема. 4 склада в Китае. Работаем с физ. и юрлицами. Страховка груза от 1%. Упаковка груза. Поможем оплатить в Китай за товар (от 2%). Работаем более 10 лет. Для расчета груза требуется вес и объем. e-mail kargo514@mail.ru Телефон, WhatsApp +79153288894

      Хариулах