Клементина Чөрчил - Ялалтын баярын мартагдсан түүх

Twitter Print
2020 оны 08-р сар 27-нд 10:41 цагт
Мэдээний зураг,

1945 оны 5 дугаар сарын 8-нд нацистын Герман бууж өгсөн тухай баярт мэдээг ард түмэндээ түгээн ялалтаа хамт тэмдэглэж байхад Их Британий Ерөнхий сайд Чөрчилийн дэргэд тэргүүн хатагтай Клементина байсангүй.

Клементина энэ үед, зөвлөлтийн ард түмэнд туслах Их Британий Улаан загалмай нийгэмлэгийн тэргүүний хувиар 1945 оны 4 дүгээр сарын 2-ноос эхлэн Зөвлөлт улсын олон хотоор аялаж Их Британий ард түмний сайн сайн санааны тусламжаар хуримтлагдсан ховор эм, тариа, эмнэлгийн тоног төхөөрөмж хүлээлгэн өгөх, их британчуудын хандиваар бүрэн тоноглогдсон олон эмнэлгийн газраар явж танилцах ажлаа дуусгаад Москвад ирээд байв. Тэрээр ялалтын баярыг Лондонд биш Москвад тэмдэглэжээ.

Дайны турш зөвлөлтийн ард түмэнд үнэнхүү, чин сэтгэлээсээ туслах аяныг тэрээр өөрөө гардан ахалж Холбоотон гүрнүүдийн удирдагчдын авхай нарын хэний ч гаргаагүй чин зориг, энэрэл хайрыг тэр л тээж нийтийн ялалтанд чухал хувь нэмэр оруулсныг манайд л лав дурссан зүйл огтоос үгүй. Хүйтэн дайны үед, үзэл суртлын үүднээс түүний нэр ч бусад ийм олон хүмүүсийн адил хойд хөршид мартагдсан түүхтэй.

Клеминтинагийн Зөвлөлт улсад буяны ажил хийж ажиллаж байсан тухай 1945 оны 4, 5 дугаар сарын Ардын Үндэсний Эрх сонинд мэдээ гарч байсныг олзуурхан уншиж сууна.

Б.Баясгалан

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.