Аргентин ялагдлын цувралаа зогсоож Германыг хожлоо

Twitter Print
2014 оны 09-р сар 04-нд 08:54 цагт
Мэдээний зураг,

Урд шөнө хөлбөмбөгийн шигшээ багуудын нөхөрсөг тоглолт боллоо. Эдгээрээс Аргентин-Германы тоглолт олны анхаарлыг зүй ёсоор татаж байлаа. “Бразил 2014” дэлхийн аваргын финалд Европ, Өмнөд Америкийн хоёр шилдэг баг учраа таарахад Немцүүд нэмэлт цагт гоол оруулж дөрөв дэх удаагаа “Алтан дагина” хүртсэн. Харин Аргентины шилдэг довтлогч Л.Месси “шилдэг тоглогч” болсон аж. Герман шигшээд шалгарах замдаа Португал, АНУ, Алжир, Франц, Бразил зэрэг хүчирхэг гүрнүүдийг өмнөө сөхрүүлсэн бол, Аргентины баг Иран, Босни, Нигери, Швейцарь, Бельги, Голландыг хожиж финалдсан юм.

Энэ удаагийн нөхөрсөг тоглолтонд Аргентин хүчтэй өрсөлдөгчөө 4:2-оор буулган авчээ. Хожлын гоолуудыг А.Ди Мария, С.Агуэро, Ф.Фернандес, Э.Ламела нар оруулжээ. Харин Германы багаас А.Шюрлле, М.Гётце нар гоол хийсэн байна. Тоглолтын дараа Аргентины шинэхэн дасгалжуулаг Т.Мартино “Манай залуучууд гайхалтай тоглолт гаргасан. Хэдийгээр энэ нь дэлхийн аваргын тэмцээн биш ч гэсэн Германы хожино гэдэг амаргүй юм. Бид дэлхийн аваргын шигшээд хожигдсон ч Германыг дараагийн тоглолтонд хожих бүрэн боломжтой гэдгээ мэдэрсэн. Учир нь сүүлийн гурван дэлхийн аваргад манай улсын хөлбөмбөгчид Германд хожигдоод байгаа” гэж хэлсэн байна.

Бусад нөхөрсөг тоглолтын хувьд Англи-Норвеги 1:0, Ирланд-Оман2:0, АНУ-Чех 1:0, Турк-Дани 2:1, Украйн-Молдав 1:0, Латви-Армени 2:0, ОХУ-Азербайжан 4:0-ээр хожсон бол Марокко-Катар 0:0, Литви-АНЭУ 1:1-ээр тэнцжээ. Мөн энэ сарын 2-нд Нигер-Уганда 2:0, наймдугаар сарын 31-нд Замби-Судан 3:1, 30-нд Эль Салвадор-Доминикан 2:0, Египет-Кени 1:0, 21-нд Панам-Куба 4:0-ээр тус тус хожсон байна.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.