О.Гүндэгмаа зургаа дахь Олимпийн наадмын эрхийн төлөө өрсөлдөнө

Twitter Print
2014 оны 09-р сар 03-нд 08:53 цагт
Мэдээний зураг,

Испани улсын Гренада хотод буудлага спортын дэлхийн аваргын тэмцээн энэ сарын 6-наас 20-ны өдрүүдэд болно. Дөрвөн жилд нэг удаа болдог дэлхийн аваргын тэмцээнд амжилт гаргасан тамирчдад 2016 оны Олимпийн наадмын эрх олгох юм. Харин манай улсын шигшээ баг маргааш эх орноосоо мордох юм.

Монгол улсын шигшээ багийн ахлагчаар Монголын буудлага спортын холбооны хүндэт ерөнхийлөгч В.Отгондэмбэрэл, Үндэсний шигшээ багийн албаны дарга Ч.Эрдэнэтуяа нар, дасгалжуулагчаар Л.Ундралбат, С.Адилбиш нар ажиллана.

Олимпийн их наадамд хоёр тамирчин таван удаа оролцсон байдаг. Эхний нь чөлөөт бөхийн дэлхийн аварга, хошой мөнгөн медальт, “Мюнхен 72” зуны Олимпийн ХХ наадмын мөнгөн медальт Х.Баянмөнх, хоёр дахь нь буудлагын спортын дэлхийн аварга, багийн төрөлд хүрэл медаль хүртсэн, “Бээжин 2008” зуны Олимпийн XXIX наадмын мөнгөн медальт О.Гүндэгмаа нар юм.

Хөдөлмөрийн баатар, гавъяат тамирчин О.Гүндэгмаа “Рио 2016”-гийн эрхийг авбал зургаан Олимпод оролцсон анхны тамирчин болно.

Буудлагын ДАШТ-нд өрсөлдөх багийн бүрэлдэхүүн:

Эмэгтэй гар буу:

1. МУГТ О.Гүндэгмаа

2. ОУХМ Ц. Мөнхзул

3. ОУХМ Т.Баярцэцэг

Эрэгтэй гар буу:

1. ОУХМ Э.Даваахүү

Эмэгтэй урт буу:

1. ОУХМ О.Янжинлхам

2. ОУХМ Ч. Нарантуяа

3. ОУХМ Г.Нандинзаяа

4. ОУХМ Д.Лхамсүрэн

Эрэгтэй урт буу:

1. ОУХМ Н.Баяраа

2. ОУХМ Х.Бямбабаатар

3. ОУХМ Б.Бишрэл

4. ОУХМ Ж.Ганхуяг нар тус тус багтжээ.

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.