С.Хедира Европын шилдэг багуудаас сонголт хийнэ

Twitter Print
2014 оны 09-р сар 02-нд 17:11 цагт
Мэдээний зураг,

2014 оны дэлхийн аварга, Германы шигшээ багийн гишүүн С.Хедира багаа солихоор болжээ. Тэрээр сүүлийн хэдэн өдөр бэлтгэлдээ ирээгүй, “Реал Мадрид”-аас явахаар болсон хэмээн К.Анчелотти хэлжээ. Гэхдээ солилцоо наймааны цонх ирэх өдрүүдэд хаагдахаас өмнө өөр багт очих боломжтой аж. Одоогийн байдлаар “Бавари Мюнхен”, “Арсенал” клубууд санал хүргүүлжээ. Английн баг бүрэлдэхүүнээ сайжруулахын тулд солилцоо наймаа идэвхитэй хийж байгаа.

Тийм болохоор А.Венгер авч магадгүй хэмээн мэргэжилтнүүд үзэж байна. С.Хедира “Штуттгарт”-аас хөлбөмбөгийн карьераа эхэлж 2010 онд Эзэн хааны багт иржээ. Энэ хугацаанд 93 тоглолтонд 6 гоол оруулжээ. Харин багийнхаа хамтаар 2012 онд Ла лигийн аварга, 2014 онд “Аваргуудын лиг”-ийн аварга, Европын Супер цомын эзэн болсон аж.

Мөн Германы шигшээ багт 2003 оноос хойш нас насны ангилалд нь тоглож 2009 онд үндсэн бүрэлдэхүүнд дуудагджээ. Түүнээс хойш 2010 оны дэлхийн аваргын хүрэл, 2012 оны Европын аваргын хүрэл медаль хүртэж, өнгөрсөн зун оргил амжилтаа гаргаж Дэлхийн аваргын алтан медаль энгэртээ зүүсэн шилдэг тоглогч юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.