Д.Уэлбек “Арсенал”-д ирлээ

Twitter Print
2014 оны 09-р сар 02-нд 13:15 цагт
Мэдээний зураг,

Английн “Арсенал” клуб сүүлийн дөрвөн улиралд премьер лиг болон “Аваргуудын лиг”-т амжилт гаргаагүй. Хэдийгээр жил бүр Европын өрсөлдөөнд оролцох эрхээ авдаг ч шөвгийн 16-гаас цааш яваагүй билээ. Франц мэргэжилтэн А.Венгер 18 жил “Их буучд”-ыг удирдаж премьер лигт гурван удаа түрүүлж, 2006 оны “Аваргуудын лиг”-т мөнгөн медаль хүртсэн. Тэрээр “Арсенал”-аас явахаасаа өмнө том тэмцээнд түрүүлэх зорилгоор шилдэг тоглогчдыг авсаар байна. Энэ удаа “Ман.Ю”-аас Д.Уэлбекийг багтаа элсүүлжээ.

Өдгөө 23 настай Д.Уэлбек “Манчестер Юнайтед”-ын хүүхдийн академид долоон жил суралцаж 2008 онд үндсэн бүрэлдэхүүнд тоглох болжээ. Энэ хооронд “Престон Норт”, “Сандерлэнд” багуудад нэг жил зээлээр тоглосон байна. “Улаан чөтгөрүүд”-ийн эгнээнд 90 тоглолт хийхдээ 20 гоол оруулсан аж. Мөн Английн үндэсний шигшээ багт нас насны ангилалд тоглож 2012 оны Евро, 2014 оны дэлхийн аваргад оролцсон юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.