Сицилид агаарын хэм +48.8 хэмд хүрч, рекорд тогтоожээ

Twitter Print
2021 оны 08-р сар 12-нд 14:25 цагт
Мэдээний зураг,

Италийн Сицили арал дээр агаарын хэмд Цельсийн 48.8 хэмд хүрч, Европ тивд бүртгэгдсэн хамгийн өндөр хэм болоод байна. Уг рекордыг Дэлхийн Цаг Уурын Байгууллага баталгаажуулах ёстой ба Дэлхийн Цаг Уурын Байгууллагад тэмдэглэгдсэнээр 1977 онд Грекийн Афин хотод агаарын Цельсийн 48 хэмд хүрч, Европ тивдээ рекорд тогтоож байжээ.

Италид агаар хэт халж буй нь Африк тивээс ирж буй Люсифер нэртэй агаарын өндөр даралттай холбоотой аж. Люсифер хойш чиглэлтэй нүүснээр Италийн бусад хотуудад агаарын хэм өсөх хандлагатай байна.

Италийн Эрүүл мэндийн яам цаг агаарын хэт халах үзэгдэлтэй холбогдуулан хэд хэдэн мужид "улаан" түвшний буюу аюултай үзэгдлийн анхааруулга гаргаад байгаа ба 15 хотод хэт халалт нь эрүүл мэндэд өндөр эрсдэл учруулж болзошгүй гэжээ. Газар дундын тэнгисийн бүсэд цаг агаар хэт халах үзэгдэл ажиглагдаж, тус бүс нутагт байрлах улс орнуудад цаг агаар өнгөрсөн хэдэн 10 жилүүдэд байгаагүйгээр халж байгаа аж.

Хэт халалтын улмаас Италийн өмнөд хэсгээр ой хээрийн түймэр гарч, гал сөнөөгчид өнгөрсөн лхагва гарагт Сицили болон Калабрияд гарсан ой хээрийн түймрийг цурманд оруулахаар шөнөжин ажиллажээ.

Түүнээс гадна Грек, Турк улс орнуудын газар нутаг ой хээрийн түймэрт автсан хэвээр байна.

Дэлхийн уур амьсгалын өөрчлөлт нь цаг агаар хэт халах, хуурайших эрсдлийг нэмэгдүүлдэг ба Аж үйлдвэрийн хувьсгалаас хойш Дэлхийн агаарын дундаж хэм 1.2 хэмээр нэмэгдсэн юм.

НҮБ-ын эрдэмтдийн багийн үнэлгээгээр улс орнууд агаарт ялгарах хүлэмжийн хийнүүдийн хэмжээг яаралтай бууруулахгүй бол агаарын дундаж хэм өссөөр, ноцтой үр дагаврыг дагуулах аж

Эх сурвалж: https://www.bbc.com/news/world-europe

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.