Тайванийн Ерөнхийлөгч Цай Ин Вэнь бэлтгэлтэй байхыг уриаллаа

Twitter Print
2022 оны 02-р сар 24-нд 14:30 цагт
Мэдээний зураг,

Украинд болж буй үйл явдалтай холбоотойгоор Тайванийн Ерөнхийлөгч Цай Ин Вэнь тайваньчуудыг бэлтгэлтэй байхыг уриалсны дараа БНХАУ-ын Гадаад харилцааны яамны хэвлэлийн төлөөлөгч Хуа Чүньинь, "Тайвань бол Украин биш. Тайвань бол Хятадын салшгүй хэсэг. Хууль эрх зүйн талаараа ч, түүхийн баримтаараа ч тэр." хэмээн мэдэгджээ.

Их Британийн Ерөнхий сайд Борис Жонсон өнгөрсөн долоо хоногт Барууны улс орнууд Украины тусгаар тогтнолыг хамгаадна гэсэн амлалтандаа хүрч чадахгүй бол бусад улс орнууд эрсдэлд орж, ноцтой үр дагавар гарна хэмээн мэдэгдсэний дараагаар Тайванийн Ерөнхий сайд Цай Ин Вэнь ард иргэдээ бэлтгэлтэй байхыг анхааруулсан юм.

БНХАУ-ын хувьд сүүлийн хоёр жилийн хугацаанд Тайвань арлын орчмын цэрэг зэвсгийн үйл ажиллагаагаа эрчимжүүлсэн билээ. Ерөнхийлөгч Цай Ин Вэнь болон Тайванийн засгийн газар Тайвань нь албан ёсоор Бүгд Найрамдах Хятад улс нэртэй тусгаар улс хэмээн БНХАУ-ын мэдэгдлийг эсэргүүцсээр ирсэн юм.

Ерөнхийлөгч Цай Ин Вэнь Тайванийн аюулгүй байдлын болон цэргийн бүх анги хэсгүүдэд сонор сэрэмжтэй байж, ардын ойролцоо цэрэг зэвсгийн идэвхжил ажиглагдсан даруй анхааруудга дохио өгөхийг үүрэг болгожээ.

Түүний хэлж байгаагаар Тайван Украин хоёр өөр ч гадны хүчнүүд Украин руу нэвтэрч, нөхцөл байдлыг хүндрүүлж байгаа нь бүх улс орнууд сонор сэрэмжтэй байхыг сануулсан явдал аж.

Эх сурвалж: Reuters

Содномцэрэнгийн Энхзаяа 

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.