Жюү жицүгийн Гранд сламын тэмцээнээс анхны алтан медалийг Ө.Эрдэнэбаатар авчирлаа

Twitter Print
2019 оны 06-р сар 17-нд 11:50 цагт
Мэдээний зураг,

ОХУ-ын Москва хотод жюү жицүгийн Гранд сламын тэмцээн болж өндөрлөлөө. Москвагийн Гранд слам нь энэ сарын 15-16-ны өдрүүдэд болж шилдгүүдээ тодрууллаа. Энэ тэмцээн нь дэлхийн аварга шалгаруулах тэмцээний дараа ордог чансаа өндөртэй өрсөлдөөн юм.

Энэ удаагийн Гранд сламын тэмцээнд манай улсаас 3 тамирчин өрсөлдлөө. “ММБ” констракшн компани, “Ralph Gracie Mongolia” академийн тамирчин, Өлзийтогтохын Эрдэнэбаатар бор бүсний 62 кг-д алтан медаль хүртлээ.

Тэрбээр гранд сламын түүхэнд манай улсаас анхны алтан медалийг эх орондоо авчирч байгаа нь энэ юм.

Мөн хөх бүсний ангилалд 73 кг-ийн жинд “Монде” клубын тамирчин Хадбаатарын Сүхбат мөнгөн медаль, бор бүсний 94 кг-ийн жинд өрсөлдсөн “Монде” клубын тамирчин Баасандоржийн Ариунцог 7-р байрт шалгарлаа.

Монголын жюү жицүгийн холбоо ирэх сарын 14-22-ний өдрүүдэд насанд хүрэгчид болон өсвөр үеийн Ази тивийн АШТ-ийг өөрийн эх орондоо зохион байгуулна.

Манай улсын баг тамирчдын хувьд Азийн аваргын өмнөх томоохон сорилгодоо амжилттай өрсөлдөж Москвагийн тэнгэрт эх орныхоо төрийн дууллыг эгшиглүүллээ.

А.Алтанчимэг

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.