Франц улс Мата Хари хэмээх үзэсгэлэнтэй эмэгтэйг тагнуул хийсэн хэргээр цаазалсан нь

1917 оны аравдугаар сарын 15-нд алдарт бүжигчин Мата Хариг тагнуул хийсэн хэргээр Францын тагнуулынхан буудан хороов. Малайз хэлнээс "шинэ үүрийн нүд" хэмээн орчуулагдах Мата Хари нь 20-р зууны эхэн үед Европт алдартай байсан бөгөөд Энэтхэг, Япон бүжгийг мэргэжлийн түвшинд сурч, Зүүн Энэтхэгийн сүм хийдийн бүжигчний охины дүрд хувирсан нэгэн байжээ.

Мата Хари Парис, Монте-Карло, Берлин, Вена, Милан, Мадридын загварлаг салонуудад бүжиглэж, асар их амжилтанд хүрсэн.

Европ дахь хамгийн өндөр цалинтай, хөрөнгөлөг эелдэг эмэгтэйд тооцогддог байв. Гэвч Парисын хамгийн үзэсгэлэнтэй эмэгтэй эрчүүдийн сэтгэлийг татаж, тэднээс улсын нууцыг олж мэдсэн өөр нэг авьяас чадвараараа түүний нэр дэлхийд алдартай болсон. Энэ нь түүний үхэлд хүргэсэн юм.

Дайны үед Германы эзэн хааны талд тагнуул хийсэн хэргээр буруутгагдаж байсан Мата Хариг 1917 оны хоёрдугаар сарын 13-нд Францын тагнуулынхан Парист баривчилжээ. Түүнд цаазын ял оноосон шүүх хурал хаалттай явагдсан. Өмгөөлөгч давж заалдах гомдол гаргасан ч тус болсонгүй. Мата Хари 1917 оны 10-р сарын 15-нд Винсен хотын цэргийн бэлтгэлийн талбайд буудуулжээ.

Ихэнх түүхчид үзэсгэлэнт эмэгтэйн гэм бурууг, өөрөөр хэлбэл түүний нууц ажилласан гэх үр нөлөөг хэт хэтрүүлсэн гэж үздэг бөгөөд түүний олж авсан мэдээлэл нь аль нэг талд ноцтой ач холбогдолтой байсан нь магадлал багатай юм.

Өмгөөлөгчдийн үзэж байгаагаар Францын цэргийн шүүх ерөнхийдөө баримтыг хуурамчаар үйлдсэн. Мата Хари Герман, Францын элитүүдээс мөнгө "зувчуулдаг" байсан ч хэзээ ч мэдээлэл зарж байгаагүй. Өмгөөлөгчдийн үзэж байгаагаар Мата Харигийн шүүх хурал бол Франц улсад Францын тагнуулын алба хэр сайн ажиллаж байгааг харуулах олны анхаарлыг татах арга хэрэгтэй байсанд юм.

Өөр нэг шалтгаан. Парисын баян хүмүүсийн зугаа цэнгэл нь тухайн үед төрөл төрөгсөд нь дайнд үхэж байсан Францын оршин суугчдыг бухимдуулж байв. Өндөр нийгмийн тагнуулчийн дүрийг төгс айдасгүй тоглож, эмгэнэлт үхэлд хүргэсэн дүр нь түүний бүтээсэн чамин бүжигчин, "үхлийн эмэгтэй"-ийн "кино" намтарт тохирсон байдаг. Энэ нь Мата Харид 20-р зууны бусад, илүү үр дүнтэй тагнуулч, нууц ажилтнаас хамаагүй илүү алдар нэрийг авчирсан.

Зурагт Жүжигчин Грета Гарбо.

Жич 1932 онд Мата Харигийн тухай киног бүтээж, Грета Гарбогийн гол дүр, Мата Харигийн дүр болж түүхэнд үлдсэн нь их байна

Р.Сайхан-Уул