Өнгөрөгч долоо хоногт ОХУ-ын Россотрудничество агентлагийн Монгол Улс дахь төлөөлөгчийн газрын тэргүүн Амгалан Базархандаев Оросын их дээд сургуулиудад суралцаж буй 4000 гаруй оюутны төлөөллийг хүлээн авч уулзсан билээ. Цар тахлын улмаас их, дээд сургуулиуддаа цахимаар суралцаж буй эдгээр төгсөх дамжааны оюутнууд, дипломын хамгаалалт хийхийн тулд Орост очиж суралцах хүсэлтэй байгаагаа илэрхийлж, Россотрудничество агентлагаас тусламж хүссэн юм.
Өнөөдрийн байдлаар ОХУ цар тахлын нөхцөл байдлаас шалтгаалан гадаад улс орнуудад улсын хилээ хаасан хэвээр байгаа.Тэгвэл Россотрудничество агентлаг ОХУ-ын Засгийн газрын тэтгэлгээр тус улсад суралцаж буй монгол оюутнуудад "ногоон
коридор" нээж гаргах асуудлыг Оросын Засгийн газрын хэмжээнд зохицуулах ажлуудыг эхлүүлээд байна.
Ташрамд дурдахад, ОХУ-ын Засгийн Газрын тэтгэлэгт 2020 онд 550, 2021 онд 510 монгол иргэн сонгогдсон бөгөөд их дээд сургууль руугаа очоогүй болон их, дээд сургуулиа төгсөх гэж буй, ахлах дамжааны гээд нийт 4000 орчим оюутан хил нэвтэрч чадахгүй байгаа юм.
Уг оюутнуудын төлөөлөл энэ сарын 12-нд буюу пүрэв гарагт Улаанбаатар дахь "Русский Дом"-д цуглахаар боллоо.
Лавлах утас: 45 46 00
Энэ мэдээ танд таалагдаж байвал LIKE хийгээрэй. Танд баярлалаа.
