Коронавирусын халдвар шинээр авсан иргэдийн тоо огцом буурчээ

Twitter Print
2020 оны 02-р сар 20-нд 10:08 цагт
Мэдээний зураг,

Коронавирусын халдварын голомт болоод буй Хятадын Хубэй мужид уг вирусын халдварыг шинээр авсан иргэдийн тоо огцом буурчээ.

2-р сарын 19-ны байдлаар Хубэй мужид коронавирусын халдвар авсан 349 тохиолдол бүртгэгдэж, уг вирусын халдварын улмаас 108 хүн нас барсан байна. Коронавирусын халдвар авсан нийт иргэдийн тоо 76 262-д хүрээд байгаа ба эдгээрийн дийлэнх нь эх газрын Хятадад бүртгэгдээд байгаа билээ. Түүнчлэн уг вирусын халдварын улмаас нийт 2120 хүн нас бараад байна. БНХАУ-аас гадна коронавирусын халдварын улмаас Иранд 2 хүн, Тайвань, Филиппин, Францад тус бүр 1 хүн нас баржээ. Хятадаас гадна коронавирусын халдвар авсан хамгийн олон тохиолдол Япон улсад бүртгэгдээд байгаа юм.

Японы Ёкохама боомтод хөл хорионд байгаа Diamond Princess аяллын хөлөг онгоцон дээр коронавирусын халдвар авсан 79 тохиолдол шинээр бүртгэгдэж, тус хөлөг онгоцонд уг вирусын халдвараар өвчилсөн нийт зорчигчдын тоо 624-т хүрээд байна. Нийт 3700 хүн зорчиж явсан Diamond Princess аяллын хөлөг онгоц 2-р сарын 3-наас хойш Ёкохама боомтод хөл хорионд байгаа ба уг хөлөг онгоцон дээр коронавирусын халдвар маш хурдацтайгаар тархсан явдалд мэргэжилтнүүд Японы эрх баригчдыг буруутгаж байгаа аж. 

TahomaCoronavirus kills Chinese whistleblower doctor-н зурган илэрц

Коронавирусын халдвар авсан иргэдийн тоо огцом буурсантай холбоотойгоор Ази болон АНУ-ын хөрөнгийн бирж дээрх хувьцааны үнэ өссөн байна. ОУВС-ийн Гүйцэтгэх захирал Кристалина Георгиевагийн мэдээлсэнээр Хятад улс коронавирусын халдварын дэгдэлтийг хяналтандаа авч чадвал, Хятадын эдийн засаг богино хугацаанд сэргэх аж.

Эх сурвалж: Reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.