Татарстан улсад "Boeing-737" онгоц сүйрчээ

Twitter Print
2013 оны 11-р сар 18-нд 11:19 цагт
Мэдээний зураг,

Өчигдөр арваннэгдүгээр сарын 17-ны үдэш Бүгд найрамдах Татарстан улсын нийслэл Казань хотын нисэх буудалд газардах гэж байсан “ Boeing-737” загварын нисэх онгоц сүйрчээ. Нисэх онгоцны тавцанд зорчиж явсан нийт 50 хүн бүгд амь үрэгдсэн тухай оросын онцгой байдлын яамнаас мэдэгдсэн байна. Ослын шалтгаан чанарын шаардлага хангаагүй түлшээр нисэх онгоцыг цэнэглэсэн байсан, эсвэл нисгэгч нарын буруутай үйлдэл, мөн цаг агаарын тохиромжгүй нөхцөл байдал тулгарсан зэрэг хэд хэдэн таамаглал одоогоор  дэвшүүлж байгаа бөгөөд АНУ-ын “Boeing” компани ослын шалтгааныг тодруулах ажиллагаанд оролцох болсон тухай мэдэгдсэн байна. Москвагын Домодедово нисэх онгоцны буудлаас хөөрсөн уг онгоц “Татарстан айр” компанийн өмч, 23 жил ашиглаж байгаа, урсгал засваруудыг цаг тухайд нь хийж байсан байна. Татарстанд өнөөдөр бүх нийтийн гашуудал зарлаад байгаа бөгөөд амь үрэгдсэн зорчигчдын ар гэрийнхэнд нэг сая рублийн нөхөн олговор олгох болсон тухай мэдэгдээд байна.

“ Boeing-737” загварын нисэх онгоцыг дэлхий нийтийн агаарын тээвэрт ашиглаж ирсэн цагаас Казань хотод болсон уг сүйрлийг оролцуулаад 174 удаагын осол гарч байсан бөгөөд эдгээр ослуудаар нийт 3900 хүн амь үрэгдэж байжээ.

Монголын агаарын тээврийн МИАТ компани энэ оны хоёрдугаар улиралд анхны өмчлөлийн эрхтэйгээр "Боинг 767-300ER" загварын нисэх онгоц худалдан авсан. Ерөнхийлөгч Ц.Элбэгдорж 2010 онд АНУ-д албан ёсны айлчлал хийх үеэрээ "Боинг" компаниас зорчигч тээврийн гурван онгоц авахаар гарын үсэг зурж байжээ. МИАТ компани нь гурван ширхэг агаарын хөлөг худалдан авах гэрээ байгуулсны эхнийх нь "Боинг 767-300ER" бөгөөд 2016 онд "Боинг" компаниас дахин хоёр онгоц авах бөгөөд Боинг 737-800ER загварынх байх юм байна. МИАТ-ийн  одоо нислэг үйлдэж байгаа дөрвөн онгоцыг 10-16 жил түрээслэн ашиглаж байна.  Эдгээр нисэх онгоцны түрээсийн хугацаа 2016 оны дөрөвдүгээр сард дуусах аж. 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.