Буриадад 14 хоногийн хатуу хөл хорио тогтоолоо

Twitter Print
2020 оны 11-р сар 16-нд 13:28 цагт
Мэдээний зураг,

ОХУ-д коронавирусын халдвар авсан иргэдийн тоо нэг хоногийн дотор 22 572-оор нэмэгджээ. Эдгээрээс 6271 нь нийслэл Москва хотод бүртгэгдсэн байна. Коронавирусын цар тахал эхэлснээс хойш ОХУ-д 1 сая 925 мянга гаруй тохиолдол бүртгэгдсэн ба уг вирусын халдварын улмаас нийт 33 мянга гаруй хүн нас бараад байна.

Өнгөрсөн 1 өдрийн дотор 352 хүн коронавирусын халдвараар нас баржээ. Буриад улсад сүүлийн хэд хоногт коронавирусын халдвар авсан иргэдийн тоо нэг өдөрт л 200-гаар нэмэгдэж байгаа ба тус улсад коронавирусын халдвар авсан нийт иргэдийн 59 хувь нь Улан Үүд хотод бүртгэгджээ. Үүнтэй холбоотойгоор Буриад даяар хоёр долоо хоногийн турш худалдаа үйлчилгээний төвүүд, нийтийн хоолны газрууд, кинотеатрууд болон үсчин гоо сайхны газруудыг хаах шийдвэр гаргаад байна.

Буриад улсын засгийн газрын тэргүүн Алкесей Цыденов 14 хоногийн хөл хориог цааш сунгахгүй хэмээн мэдэгджээ. Тэрээр, "Хөл хориог 7 долоо хоногоос илүү сунгах бодолгүй байна. Хөл хориог үүнээс олон хоног сунгавал эдийн засгийн нөхцөл байдал илүү хүндэрнэ. Энд зөвхөн эрүүл мэндийн салбар яригдахгүй." гэжээ.

Эх сурвалж: Ria.ru

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.