Эцэг хүн бүр хүүдээ заах ёстой сургамжууд:
1. Бие махбодийн хувьд дур булаам байх нь хүмүүсийн анхаарлыг татах гайхалтай арга юм. Оюун санааны хувьд сэтгэл татам байх нь бие махбодиороо татсан анхаарлыг нь хадгалах, улам асаах цорын ганц арга зам юм.
Өөрийгөө хүмүүжүүлж, байнга тохиолддог хорт бодлуудаасаа салах аргуудыг олж нээж, өөртөө итгэлгүй байдлаа шийдэж, ганцаараа ч байхдаа ч аз жаргалтай байж сур.
2. Өөрийгөө хэт тайлбарлах шаардлагагүйгээр "Үгүй" гэж хэлж сур.
Хэрэв хэн нэгэн чиний хил хязгаарыг давж, чамаас үгүй гэсэн үг сонсоод чамд гомдсон бол энэ нь тэдний л асуудал юм.
Чиний алдаж болох зүйл бол хамгийн ихдээ чиний талаарх бусад хүмүүсийн бодол л юм. Тэдний бодол өөрчлөгдлөө гээд муу зүйл ерөөсөө биш.
3. Бусад хүмүүсийн "хөгжилтэй" гэсэн ойлголтыг бүү хүлээн зөвшөөр.
Хөгжилтэй гэдэг нь:
• Согтуурч уух
• Зугаацаж цэнгэх
• Нийлж дарвиж, зүггүйтэх гэсэн утгуудыг огт илэрхийлэхгүй.
Хөгжилтэй гэдэг нь шөнийг ганцаараа өнгөрөөх, номонд төөрөх, гүн гүнзгий яриа өрнүүлэх, аялж зугаалах, уран бүтээл туурвих, хөгжим тоглох, ажил хийх зэргүүдийг ч бас илэрхийлдэг.
Хөгжилтэй байх нь зөвхөн чиний л дураар шийдэгдэх ёстой зүйл. Бусдад зориулж алиалагч байх хэрэггүй.
4. Хүнтэй сууж гэр бүл зохиомоор санагдаад, догдлоод байгаа бол гэрлэхээсээ өмнө найз охинтойгоо ямар эцэг эх болох, хүүхдүүдээ хэрхэн хүмүүжүүлэх, хүүхдэд чинь ямар итгэл үнэмшил бий болох, бага насыг нь хэрхэн гэмтээлгүй өнгөрүүлэх, бэлгийн чиг хандлагын хүлээлт, санхүүгийн хүлээлт, гэр бүлийн эрүүл мэнд, ажил мэргэжил, боловсролынх нь талаар ярилц. Найз охин чинь хэр нухацтай хандаж байгааг анзаараад ав. Дээрх зүйлс нь амьдрал яваандаа заагаад болчихдог зүйлс биш.
Зөвхөн хайраар амьдрах үнэхээр хангалттай биш.
5. 15-30 нас бол чиний амьдралын алтан үе.
Чи олон найз нөхөдтэй болж, тэднийгээ алдах ч болно. Чи олон алдаа гаргана, бас засахыг оролдоно. Гол нь бусдын төлөө алдаагаа засна гэдэг утгагүй зүйл.
Чи унана, бүтэлгүйтнэ, сурна, ухаарна, бодит байдалд хүрнэ, дурлана, бас шархлана. Чи өөрийгөө алдаж, эцэст нь илүү хүчтэй болно.
Санаж ав...!
Энэ он жилүүд чиний амьдралын хамгийн сайхан жилүүд юм.
Энэ наснаасаа таашаал авах эсвэл сүйтгээд хаячих хоёрын ялгааг ойлгох хэрэгтэй. Болж өгвөл ямар нэгэн муу зуршлыг үлдсэн амьдралдаа тээж орох хэрэггүй. Бүгдийг нь оролдоод үз, үзээд л орхих тэвчээртэй байгаарай.
6. Хүүхэдтэй болохоосоо өмнө сэтгэл санаагаа сайн бэлдэж, бага насны гэмтлүүдээ эмчлүүлээрэй, хүүхдүүд чинь чиний сэтгэцийн гэмтлийн ул мөрийг үүрэх, чамайг эцгийн хувиар эдгээх ямар ч өргүй хүмүүс шүү дээ. Би ингэж л өссөн, чи ч бас ингэж өс гэж тулгах эрх чамд байхгүй.
Source: The Wise Mentor
Энэ мэдээ танд таалагдаж байвал LIKE хийгээрэй. Танд баярлалаа.
