“Манчестер Юнайтед” хэзээ аз ирэхийг хүлээсээр суух уу

Twitter Print
2014 оны 08-р сар 27-нд 10:33 цагт
Мэдээний зураг,

Английн хөлбөмбөгийн лигийн цомын тэмцээн үргэлжлэн явагдлаа. Урд шөнө болсон тоглолтуудаас “Милтон Донс”-“Манчестер Юнайтед” 4:0, “Болтон”-“К.Александр” 3:2, “Суонси”-“Биртон Альбион” 1:0, “Фулхэм”-“Брентфорд” 1:0, “Норвич Сити”-“Крэйли Таун” 3:1, “Кристал Палас”-“Уолсал” 3:0, “Дерби”-“Чарлтон Атлетик” 1:0, “Саутхэмптон”-“Милуол” 2:0, “Мидлсборо”-“Престон” 3:1-ээр тус тус хожсон бол “Вест Бромвич Альбион”-“Оксфорд” 1:1, “Вест Хэм Юнайтед” –“Шиффельд Юнайтед” 1:1-ээр тэнцжээ.

Лигийн цомын дараагийн тоглолтонд “Буртон Альбион”-“КПР”, “Сток Сити”-“Портсмут”, “Бирмингэм”-“Сандерлэнд”, “Брэдфорд”-“Лидс Юнайтед”, “Астон Вилла”-“Лэйтон Ориент” багууд учраа таарчээ. Урд шөнийн тоглолтуудаас “Милтон Дон”-“Манчестер Юнайтед”-ын тулаан үзэгчдийн сонирхлыг зүй ёсоор татсан. Европт төдийгүй дэлхийд тэргүүлэгч кулб “М.Ю” нэр огт дуурсагдаж байгаагүй “Милтон”-г ядах юмгүй хожино гэсэн олны таамаг зөрж Л.Ван Гаалын баг бут ниргүүлсэн. Цагтаа “Аваргуудын лиг”-т түрүүлж, Премьер лигт эхний гурван байрнаас буудаггүй байсан “Манчестер Юнайтед”-ыг ийн доройтоно гэж хэн санах билээ.

Голландын Р.Ван Перси, Английн У.Руни, Э.Янг, Д.Уэлбек, Испанийн Х.Мата, Д.Де Хеа нарыг ингэж гутамшигт ялагдал хүлээнэ гэж үзэгчид нь хүсээгүй. Тоглолтын дараа Л.Ван Гаал “Бид хэзээ учраа олохыг мэдэхгүй байна. Тоглогчдод хүнд байгаа байх” гэж хэлсэн нь байдал ямар ээдрээтэй байгааг илэрхийлж байна.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.