Литва, Польш, Украины бараа бүтээгдэхүүнээс татгалзаж, үндэсний үйлдвэрлэлээ дэмжихийг уриалжээ

Twitter Print
2021 оны 08-р сар 09-нд 10:05 цагт
Мэдээний зураг,

Беларусийн нийслэл Минск хотын гүйцэтгэх зөвлөлийн дарга Владимир Кухарев тус хотод үйл ажиллагаа явуулж буй сүлжээ их дэлгүүрүүд Литва, Польш, Украин улсын бараа бүтээгдэхүүнүүдтэй холбоотой асуудлыг шийдэхгүй бол хатуу арга хэмжээ авна гэдгээ онцолжээ.

Тэрээр Минск хотын сүлжээ дэлгүүрүүд Беларусийн эсрэг хориг арга хэмжээ тогтоосон улс орнуудад үйлдвэрлэсэн бараа бүтээгдэхүүнүүдийг үйлчлүүлэгчдийн нүдэнд хамгийн түрүүнд өртөх лангуунуудаас буулгах ёстой гэжээ. Владимир Кухарев, "Өнөөдөр Украин, Литва, Польш зэрэг хэд хэдэн улс манай улсын эсрэг хориг тогтоолоо. Гэтэл тэдгээр улсын бараа бүтээгдэхүүн дэлгүүрийн хамгийн сайн лангуунууд дээр өрөөстэй байхад үндэсний үйлдвэрийн бараа бүтээгдэхүүнүүдээ бид хайж байж олох жишээтэй. Тийм учраас бид сүлжээ дэлгүүрүүдэд нөхцөл байдлаа өөрчил эсвэл бид арга хэмжээ авна гэсэн хатуу шаардлага тавьсан. Уг асуудлыг зөвхөн хотын түвшинд биш улсын түвшинд ярих ёстой." гэжээ.

Өнгөрсөн бямба гарагт Литва, Польш улсууд Беларусийн Ерөнхийлөгч Александр Лукашенко "хууль бус цагаачлалыг Европын холбоонд улс төрийн дарамт үзүүлэх хэрэгсэл болгож байна" хэмээн Европын холбооноос Беларусийн эсрэг хоригоо өргөжүүлэхийг уриалсан билээ.

Эх сурвалж: https://www.interfax.ru/world

Содномцэрэнгийн Энхзаяа

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.