БНСУ хилээр орж ирж байгаа гадаад, дотоодын бүх зорчигчдыг 14 хоног тусгаарлах шийдвэр гаргалаа

Twitter Print
2020 оны 03-р сар 30-нд 11:25 цагт
Мэдээний зураг,

БНСУ-ын Гамшигийн аюулаас сэргийлэх төвөөс 2020.04.01-ний 00 цагаас эхлэн дэлхийн бүх улс орноос хил нэвтрэн орж ирж байгаа зорчигчдыг 14 хоног тусгаарлах шийдвэр гаргалаа.

ЭМЯ-ны сайд Пак Нын Хү "Дэлхий даяар коронагийн тархалтын аюул нүүрлэж тоо нь өдөр ирэх тусам ихсэж байгаатай холбоотой солонгосын хилээр нэвтрэх бүх зорчигчидод 2 долоо хоногийн тусгаарлалт хийлгэхээр боллоо" гэлээ. Энхүү арга хэмжээ нь гадаад дотоодын аль улсын иргэн байх, урт удаан оршин суух хамаагүй бүх хилээр нэвтрэх бүх хүмүүст үйлчилнэ.

Солонгос улсад өөрийн гэсэн оршин суух орон байргүй тохиолдолд Засгийн газар болон орон нутгийн өөрөө удирдах байгууллагуудаас хангасан тусгаарлах байранд байрлаж тусгаарлагдана. Пак сайд "Өөрийгөө тусгаарлах нь заавал хийх зүйл бөгөөд гарч орох нь хатуу хязгаарлагдана" гэж онцоллоо.

Гадаад дотоодын иргэн харгалзахгүй бэлдэж өгсөн тусгаарлах байрыг ашиглах тохиолдолд зардлыг өөрсдөө төлөх ёстой бөгөөд дунджаар нэг өдрийн 100,000воны үнэтэй, 14 хоновол ойролцоогоор 1 сая 400,000 вон орчим болох ажээ.

Энэ нь 4-р сарын 1-ээс хойш хилээр орж ирсэн хүмүүст хамаарагдана гээд түүнээс өмнө орж ирээд аль хэдийн тусгаарлах байранд байгаа хүмүүст хамаарагдахгүй гэжээ. Мөн өмнө нь өөрийгөө тусгаарлахгүй хяналтанд байсан бүх хүмүүс өөрийгөө тусгаарлах ёстой гэлээ.

Пак сайд "Богино хугацаагаар орж ирсэн гадаадын иргэд 2 долоо хоног өөрийгөө тусгаарлахыг бодолцож орж ирэх шаардлагатай" гэлээ. Мөн "Олон нийтийн болон улсын эрх ашгийг хөндөх талыг бодолцон үзэн маш чухал эдийн засгийн үйл хэрэг, эрүүл мэнд, эрдэм шинжилгээний болон хүмүүнлэгийн ажил зэрэг зорилготой ирж байгаа тохиолдолд тусгайлан харж үзнэ" гэлээ. Энэ тусгайлан харж үзэхэд A1 (дипломат харилцаа), A2 (албаны ажил), A3 (гэрээ хэлэлцээр) байх тохиолдол орох ажээ.

Тусгаарлалтанд орохгүй тусгай тохиолдолд хамрагдахын тулд ирэхээсээ өмнө БНСУ-ын тус улсад орших элчин сайдын яамнаас дээр дурьдсан тусгайлан харж үзэх зорилго бүхий айлчлалыг хүлээн зөвшөөрөх "Өөрийгөө тусгаарлахаас чөлөөлөх" бичгийг авсан байх ёстой. Ингэж чөлөөлөгдсөн түр хугацаагаар ирсэн гадаад иргэний хувьд тусгаарлалтанд орохгүй ч, онгоц буудал дээр коронагийн шинжилгээнд хамрагдан хариу 'сөрөг' гарсаныг шалгасны дараа хяналтанд орох юм байна. Энэ хяналт нь эрүүл мэндийн аппликэйшнийг утсандаа суулган, өдөр бүр утсаар холбогдон шалгах арга юм.

Хэрэв хилээр орж ирж байгаа үедээ коронагийн шинж тэмдэг илэрвэл (гадаад дотоод ялгаагүй) шууд шинжилгээнд оруулах ба шинжилгээний хариу сөрөг гарсаны дараа 14 хоног өөрийгөө тусгаарлах болно. Өмнө нь орж ирээд 2 долоо хоног болоогүй хүмүүст орж ирсэн өдрөөсөө хойш тооцоод 14 хоног өөрийгөө тусгаарлахыг мэссэжээр мэдэгдэх ба, шинж тэмдэг илэрч байгаа хүмүүсийг шинжилгээнд орохыг зааварчилна.

Сүүлийн үед гадаадаас коронатай хүн орж ирэх нь ихэсчээ. Шинээр коронагийн тохиолдол бүртгэгдэж байгаагийн 39% нь гадаадаас орж ирсэн тохиолдол байгаатай холбоотой ийм арга хэмжээ авч байна. 

Ойрын өдрүүдэд Инчон нисэх буудлаар өдөрт дунджаар 7000 гаруй зорчигчид орж ирж байгаагаас 2000 гаруй нь гадаадын иргэд үлдсэн 5000 гаруй нь солонгос улсын иргэд байна.

Мэргэжлийн хүмүүс энэ арга хэмжээг зөв гэж үнэлж байгаа бөгөөд өөрийгөө тусгаарлахыг амьдрал дээр сайн хэрэгжүүлэх нь чухал гэлээ.

Гамшигийн аюулаас сэргийлэх төв нь дэлхий дахинд коронагийн халдварын байдлаас хамааран энэхүү авч байгаа арга хэмжээ цуцлагдах юмуу өөрчлөгдөх боломжтой гэлээ.

Дашрамд дурьдахад, Солонгос улсад тусгаарлалтанд байх хугацаандаа нууцаар гадагшаа гарах, олон нийтийн газраар явах, тусгаарлалтыг зөрчсөн тохиолдолд 1 жил хүртлэх хорих ял эсвэл 10 сая хүртэлх воны торгууль ноогдуулдаг хуультай болж байгааг анхаарна уу.

Эх сурвалж: YNA News

Орчуулсан: Ж.Нармандах

2020.03.29

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.